للأسف…..كلنا هذا المواطن

رد فعل عجيب ممن انتقل لحياه كريمه بعد العشوائيات

وجدتهم يتضرروا انهم بيدفعوا فاتورة كهرباء 😳

و بيقولوا كلام عجيب جداااااااا بصوتهم المعترض الجهوري

انتم ليه بتدفعونا فاتورة كهرباء

احنا كنا وإحنا في العشوائيات؛ بنسرق الكهربا من الشارع 

و طبعا كل هذا بالفم المليان 

نسيوا النظافه التي صاروا فيها

نسيوا انهم إستلموا شقه كاملة التجهيز

نسيوا كل شئ و كل همهم لماذا يدفعوا فاتورة كهرباء ؟!!!!! مثلهم مثل كل مواطن في كل بلاد الدنيا

تذكرت هذا الموقف و أنا أتابع ردود فعل الشارع المصري عن الجمرك الطبيعي على الموبيلات

طبعا أكيد عارفين ان كل مواطن ممكن يمر بموبيل واحد بدون جمرك لإستعماله الشخصي

لما بقى بصفتنا دوله محترمه منظمه

دوله بتحصل على ضرائبها للموبيلات مثل معظم بلدان الدنيا المحترمه

دوله بتحاول السيطره على جشع التاجر الذي كان يبيع لنا الموبيل المتهرب من الجمرك و يسرق هو قيمة هذا الجمرك مناصفة مع المواطن المتهرب من الجمارك

دوله بتحاول تسويق انتاجها المحلي من الموبيلات مصرية الصنع و درء منافسة الموبيلات المهربه من الجمارك 

دوله بتحاول تبقى دوله لها سياده قانونيه

لما بقى ألاقي رد فعل مقاوم لسيادة القانون

بأتذكر بالضبط موقف سارق الكهرباء المتضرر ان الدوله منعته يسرق 😳

لأ

و الأكاده

إن المتضررين من الموبيلات هذه المره ليسوا قاطني العشوائيات القدامى

بل حاملي موبيلات ال أي فون الحداثى

الأي فون أبو مائة ألف جنيه مصري يا عالم ياهوه

هأترك للقارئ الحكم

فمن يفعل ذلك

هم مواطنون ضد سيادة القانون

سيادة القانون التي هي الحل الأوحد لحال بلدنا

حقيقي

لابد نتقي الله في بلدنا

ده الكل بيقاوم سيادة القانون من أفقرنا ….لأغنانا

نتقي الله في بلدنا يا عالم يا هوووووووه