مره و انا بالحرم المكي
كلمتني بنوته طويله بلكنه غير مصريه
وطلبت مني أعطيها password روتر محمول هي رأته معي كي تكلم أهلها في الأردن ……
انتهزت الفرصه…..و سألتها كيفكم في الأردن ؟
قالتلي احنا في الأردن قبائل
و كما يقرر شيخ القبيله
كلنا وراه👍
بعدها فكرت
يعني اهل الأردن متوائمين مع عادات العرب
لهم كبير قبيله يحميهم و يدافع عنهم
و مقابل كده هم يعتبرونه قائدهم🤔
تفكير بمنطق عربي
منطق نشأنا عليه بالذات نحن أبناء واحفاد أهل قرى الوجه البحري
و طبعا أهل الصعيد
لدرجة اننا زمان في كروت دعوة الزواج كان لازم يتكتب إسم كبير العيله أو الجد
و لذلك ايضا قلنا في الأمثال…..
اللي مالوش كبير …..يشتري كبير
فالحكم عند العرب غير الحكم عند الغرب
الغرب
كل واحد بيتم اقتطاع جزء كبير من دخله الشهري ( الضرائب) نظير الخدمات التي تقدمها لهم الدوله
لدرجة ان من يمتلك جهاز تليفزيون، التليفزيون العادي هذا أو الشاشه، لازم يدفع على خدمة ارسال التليفزيون…..ضريبه
لو حبيت اعزكم الله تدخل دورة مياه عموميه…..بتدفع مقابل الخدمه…… لا مؤاخذه( في معظم الدول و ليس كلها )
متخيلين مسؤلية المواطن في الدول الاجنبيه ممكن تصل ل إيه 😳
لذلك كل مواطن بيوجعه تسديد الضرايب
لازم يعترض على أي قرار لا يعجبه من الدوله
المواطن الغربي بيدفع …..و يحصل
أما المواطن العربي
فعايز ياخد فقط
و ييجي يقولك بصوته الجهوري…..آاااااه لازم الديمقراطيه
طيب يا اخي ماشي
ماذا قدمت لبلدك علشان تاخد ديموقراطيه؟
ده حضرته بيسرق الكهرباء و يوم ما يضطر يدفع استهلاكه الشخصي منها …..يعترض على البلد ، بل يسب و يشتم كمان
طيب ما هي كفاءتك و درجة ثقافتك حتى تطالب بالديموقراطيه ؟!!!!!!!
الدنيا لازم شئ قصاد شئ
حتى ربنا سبحانه و تعالى
قالنا اذا تنازعتم في شئ فرضه عليكم أولي الأمر
" ف ردوه إلى الله و الرسول"سورة النساء
بالمناسبه أولي الأمر حاليا هم اعضاء مجلس الشعب الذي احنا بنختارهم بذات نفسنا
هي دي فقط المرجعيه….حكم الله سبحانه و تعالى و رسوله صلى الله عليه و سلم
مش الأهواااااااااااء و الأمزجه و ال١٠٠ مليون خبير في جميع المجالات

لازم نختار طريق

اما طريق الغرب
ندفع ضرايب حتى على التليفزيون
و مقابلها نعترض بعلو صوتنا

أو طريق العرب
نأنتخ
و كبير القبيله هو اللي بيحكم

مش بقى عايزين ميزة كل اختيار 😳
نأنتخ…..و ما فيناش الا ……بق يعترض و خلاص

حقيقي مش عارفه بنفكر ازاي
ده مجرد طرق جديده اتكلفت مليارات
علشان تستمر صيانتها بندفع رسوم الصيانه
مش عاجبنا
طيب شوية منطق يا أهل مصر
شوية منطق نفكر بيه
عايزين ناخد كل حاجه
ولا نتكلفش أي حاجه
و فين
في وطن خاض حروب قد عدد شعر راسه
و غيرنا
من أغنى دول العالم
و من حرب واحده ……فيص
ارجوكم
لما نقارن نقارن صح
لما نحسبها نفكر صح
لما نحب نتكلم نتثقف صح
ارجوكم
بلاش نخرب مصر 🇪🇬 بأيدينا
ده احنا مالناش غيرها

اللهم إحفظ مصر 🇪🇬 🤲
و شعب مصر 🇪🇬🤲
و جيش مصر 🇪🇬 🤲
و قائد مصر 🇪🇬🤲
اللهم إرزقنا البصيره🤲
اللهم ساعدنا الا نكذب🤲
فالمؤمن لا يكذب ابدااااااااااااا
و ألا ننشر أكاذيب تضر مصر 🇪🇬🤲