ما يبقاش كل الجيران حواليك و فوقك و تحتك بيوتهم بتتحرق فعلا
و انت قاعد تتنك على أهلك انهم مش بياخدوا رأيك ولا بيسمعوا كلامك
قم…..ساعدهم فيما هم بينه
قم إعملك منظر
حسن حاجه ، غير حاجه، إطبخ لهم لقمتين حتى و هم بيدافعوا عن بيتكم ان النار لا تطوله
ب جد……الكلام اللي زي ده بقى بزياده ماسخ
هو احنا اللي هنعيده…..هنزيده
هل هذا وقته
طيب ايه رأيك بقى يابدراوي اني باصمه للسيسي يرأس مصر مدى الحياه مش ٤ مدد رئاسيه فقط
و خد عندك دي كمان
بأطالبه يعين أفضل مدير مخابرات نائبا له
هو احنا لسه هنحكي في المحكي
كان ممكن أتأثر بك لو قلتلنا الوزراء كلهم لازم يكونوا في مستوى كفاءة السيد الوزير كامل الوزير
أو قلتلنا عايزين مليون رقيب نزيه مثل الريس السيسي في كل إداره ينفذ القانون بدون فساد
ساعتها كان ممكن اتفاعل مع كلام جنابك
انما جايلي و احنا جوه النار و بتناقش في اهمية الانتخابات
طيب
كنت قلت بلاش نعمل انتخابات و نمدد للأعضاء السابقين هذه الدوره و خلصنا
أو مثلا قلت نقفل مجلس الشورى الذي ابتدعه الرئيس السادات و لم نشعر بتأثيره في أي مجال و كفايه علينا الممارسه الديمقراطيه خلال مجلس الشعب و نوفر المصاريف
حقيقي حضرتك لازم تُحاكم بتهمة تكدير الأمن العام مع كل اعلامي ينهج نهجك
حقيقي انتم كإنكم مش معانا على الكوكب
ولا كإن أي شرر نيراني بيطولنا ممن حولنا
و لا أي أرهابيين موجودين وسطنا
هو حضرتك ايه يا دكتور بالضبط
رايق كده و هادي و قاعد تستفيد من التجارب السابقه و النار شررها بيلسعنا كل شويه
قم طفيلك كم شراره
قم حللك كم مشكله كده من مشاكل وظيفتك بدل ما تنقد الوضع الذي نحن فيه
و اذا كانت مصاريف مجلس الشورى كما تدعي من اجل تمديد مدة الرئاسه
فإني أعلنها صريحه و كارت بلانش لريسنا الغالي حامي حمى مصر و حامي حمى كل العرب
معاك يا ريس حتى أخر العمر
كفايه عليك حماية حدود مصر و التخلص من الإرهاب بداخلها
و هاتلنا كامل الوزير يحمي داخل مصر و معاه مليون شخص أمين يراقبوا كم الفساد السرطاني بالبلد و يسيدوا القانون على رقاب الكل
و لا محتاجين لمجالس أصلا
نحن في وضع لا يتحمل مصاريف و انتخابات
احنا عايزين بلدنا فقط خاليه من الأرهاب
عايزين بلدنا متراصه كتفنا في اكتاف بعض
عايزين شعبنا على قلب رجل واحد
و كفايه تكدير للرأي العام
كفايه بقى يا بدراوي
لقد هرمنا و سئمنا مثل هذه ال……دعوات 👎
2
-2
