لا …..للتجبيس

كلٌ
يرى الناس بعين رأسه
حكمه مشهوره
احتمال هي السبب إني بأحاول اتناقش مع الآخر🤔
لإني
مؤمنه بالمرونه و تقبل الرأي الآخر
و التفكير فيما يقوله محاوري
بل
و الإستفاده من رؤيته للأمور
و إضافة خبرته لخبرتي الحياتيه
فالكلمه الحكمه…..ضالة المؤمن
يبحث عنها دائما……..

لكن للأسف
فيه عقول عليها أقفال
لا تسمح بتجديد محتواها إطلاقا بتاتا البته
مهما قابلت حجتهم ب حُجج أقوى😳
ندعو لهم ربنا ينير بصيرتهم
لإنهم دايما بتكون في حياتهم مأساه
أكيد أثرت فيهم و سودت الدنيا في وجوههم
فلا يروا حتى ضوء الشمس الواضح للكل

أحزن لعدم مرونتهم
و بالتالي عدم تقدمهم في الحياه
فالمرونه و تقبل الرأي الأخر من مقومات النجاح في دنيتنا

تتفاقم المشكله لو أصيبوا بهذا العائق خلال مراحل حياتهم الأولى
لإنهم كده سيظلوا محلك سر
متجبسين بلا حراك

حرام على جيلنا يجبس اولاده
لازم يترك لهم الإختيارات
مادامت كلها تحت مظلة عدم اغضاب الله
ربنا قايل" لا إكراه في الدين "سورة البقره
يبقى احنا نجبر اولادنا على اتباع فِكر فصيل معين 🤔
نتقي الله كده
و نترك لهم حرية التفكير و التحليل و الاستنتاج
كفايه جيلنا خلاص
كل واحد اتجبس في تفكيره
بالمناسبه
انا مغيره تفكيري من حوالي ٢٢ سنه كده
بعد أن تبين لي الرُشد من الغي
و عرفت قد ايه كنت مغيبه
و كنت أظنهم ممن يخافون الله

#انا_مصريه_مسلمه_لا_انتمي_لأهل_الشر
انا مصريه بتحب بلدها بل بتعشقها
أصل اللي جرب و فارقها🎵
قال في الدنيا مافيش قبليها🎶