كل أصدقائك ما خدعوك …….

كعادتي….بأعترف بقصور خبرتي في غير مجال تخصصي…..الحمد لله
لست ضمن المائة مليون خبير اقتصادي و محلل سياسي مصري،
فخبرتي في الأقتصاد و السياسه على قدي خالص …….
فقط عارفه ان ما حدش بيحكم في ملك الله إلا بإذن الله

" قل اللهم مالك الملك
تؤتي الملك من تشاء
و تنزع الملك ممن تشاء
و تعز من تشاء
و تذل من تشاء
بيدك الخير
إنك على كل شئ قدير " سورة آل عمران

لذلك في أيام المِحن
بألتزم بالصمت
حتى لا أخطئ
فثقتي في قائد سفينتنا كبيييييييييره قوي
و ثقتي في وعوده أكبر
كل الحكايه
ان حواليه مكائد من الكل للأسف
مثل ريتشارد قلب الأسد
كل أصدقائه خدعوه ……رغم بطولته
انما أسدنا قدر يفهم مكائدهم بتاريخه المخابراتي
قدر يحول الدفه للسكه الصح
و هي دي نقطة تميزه عن كل من سبقوه
و للجيل الجديد هأقولكم
إسألوا اجدادكم يحكولكم عبد الناصر كان بيقول ايه للمصريين
كان بيقولهم
اللي بياكل ٤ أيام لحوم …..يخليها ٣ علشان مصر
و اللي بيشرب ٥ كبايات شاي ….يخليها ٤ علشان مصر
محسوبتكم بقى هتقولكم
قللوا نصيبكم حبتين من اللحوم
و صغروا شويه مقاس كباية الشاي
علشان الأيام دي تعدي
و الأزمه تنفرج
لكن عمري ما هأقف الا مع مصلحة بلدي
و مع رئيس بلدي
لإني مصدقاه
و إخترته بمحض إرادتي
و واثقه فيه
و شايفه كمية خصومه من جميع الجهات الأصليه و للأسف حتى من جوه مصر
نفووووووووق كده
و نرجع للحق
و ندرك ان لكل طريق أولوياته
و ندعيله ربنا يعينه على ما اختبره به
هو بس
انا عايزه شوية سيطره على الأسواق
و الأسعار اللي ولعت بسبب الدولار
لما الدولار ينزل لازم تنطفي
و ترجع لطبيعتها
و تحيامصر 🇪🇬
تحيامصر🇪🇬
تحيامصر 🇪🇬