رحم الله كاتبنا العظيم المفكر الدكتور زكي نجيب محمود
كان علينا في منهج القراءه باللغه العربيه قطعة نثر
تفيد أن المكان لا يشترط أن يوحد بين المجتمعين به
ف رواد السينما و إن جلسوا متلاصقين….. مآربهم متباينه
بينما أفراد فريق الكره الواحد ينتشرون بأرجاء الملعب….إلا إنهم متفقين في الهدف
للأسف
طريقة تنشئتنا غيرت هذا المنطق
فهذه ليست أول مره يُفَشِل أعضاء الفريق المسمى بالقومي ….جهود نجمه المميز
ليس تحيزا لإبن مصر البار ⭐️ الذي زادها علوا على مكانتها بين الأمم
و تعالوا ناخدها واحده واحده
مش ملاحظين إن معظم الميداليات الذهبيه التي تنالها مصر في الألعاب الفرديه 🤔
إحنا أجيال إتربت على لعبة الكراسي الموسيقيه 😳
التي رسخت في كل منا روح …..الأنا…..نيه😳
إعذروني المهنه تحكم
أول طرق العلاج لأي مرض هو وضع أيادينا على السبب 👍
احنا فريق بيكسر مجاديف أعضائه
هجيبهالكم من الآخر ……مانا مش باحب اللف و الدوران
الأنانيه معناها ……أنا و بعدي الطوفان
الأنانيه العدو الأول للنجاح
لا يؤمن أحدكم ؛ حتى يحب لأخيه ما يحبه لنفسه؛ معنى حديث نبوي
هو محمد صلاح لما نجح…..نقص من نجاح لاعب تاني ؟!!!!
أخذ حته من نجاحه مثلا 😳
فوقوا لنفسكم يا فريقنا القومي علشان دي مش أول مره تعملوا كده
هو انتم فاكرين لما تفشلوه في كأس الأمم الإفريقيه ، ده هيقلل منه أمام ليفربول أو أمام العالم!!!!!!
محمد صلاح نجح و هو بعيد عنكم
محمد صلاح كبر و هو في أوروبا
عند ناس بيشجعوا الناجح مش أعداء للنجاح
لو فكرنا بطريقة الغرب بعد مثل تلك المباريات هنقول
يا خبر ده الفريق المصري ده مش بيعرف يلعب خالص
ده فريق اناني
لا يفكر كل واحد منهم الا في نفسه بل و يحقد على محمد صلاح جدا و يتمناه يخفق
معلش
لازم نواجه نفسنا بالحقيقه علشان نتحسن
محمد صلاح نجح خلاص ما شاء الله
لا يضيره شوية مباريات جانبيه لن تقدم من وضعه ولن تؤخر
محمد صلاح ما شاء الله بقى زي الجنيه الذهب
قيمته مسجله خلاص
كل الأخطاء هتبقى ضدكم
ريحتكم فاحت بصراحه
انا اتحرجت أقول كده البطوله السابقه
لكن لما تضروا اسم مصر بهذه الطريقه
يبقى لا تستحقوا أي طبطبه
قوموا
فوقوا لنفسكم
و اتحدوا مع نجم الكره العالمي…..وليس نجم مصر فقط
قوموا وحدوا هدفكم و بطلوا انانيه
و دربوا نفسكم تتعلموا منه إزاي ….تباسوا له….. الكوره مش تحرموها من قدمه الذهبيه ماشاء الله لا قوة الا بالله ربنا يحفظهاله
كويس ان الانانيه بانت من أول مباراه علشان نلحق نعالجها
تاني
محمد صلاح ما أخدش حته من نجاحكم
بل بالعكس
كل كلامه بيعطي الأمل لكل مصري إنه يصل للعالميه كما وصل  هو
هذا النداء الأخير لإنقاذ الفريق القومي
و اهيب بالمسؤلين يعملوا جايزه فرديه لمن …..يباسي الكره….. لمن يسجل الهدف
و ليس فقط من يجيب الجول
خلينا نعالج الأنانيه درجه درجه
و أهيب أيضا بالمسؤلين
إلغاء لعبة الكراسي الموسيقيه دي التي هدمت أجيال