كبرنا يا أمي
كبرنا و عرفنا كيف يُفَشِل المرؤسين ……مديرهم أو نقول وزيرهم
كبرنا و عرفنا إن الكسول رافض يتنشط في شغله الحكومي لإن كسله تسبب في ثرائه في عمله الخاص
كبرنا يا أُمي و عرفنا إن التحديث محتاج شعوب نشيطه مش بس وزراء نشطه
كبرنا و عرفنا ان فيه ناس كانت بتفتكر لما تنحت في الصخر ، الشعوب هتقدرها
كبرنا و عرفنا ان اللي اتربى في زمن الخداع و دفن إصيص الزرع عند زيارة المسؤلين ليراه شجره، هم نفسهم اللي بيفبركوا تنفيذ بنود الجوده عند تقييم التعليم
كبرنا و عرفنا ان مسؤلي معظم المدارس اخفوا الوسائل التعليميه المصروف عليها ملايين حتى لا يتنفذ التطوير
كبرنا
و ياريتنا ما كبرنا و لا عرفنا
ياريتنا فضلنا نشوف كل الناس حلوين و بيحبوا مصر
و عايزينها تواكب صروح العلم و التقدم
كبرنا و عرفنا ان نسبه كبيره قوي من صندوق التفاح ……غير سليمه و بالتالي معظم التفاح تالف
كبرنا
و محتاجين مش أقل من مليون مراقب للمائة مليون
كل مراقب يراقب مئة شخص
تفتكروا هيكفوا 😳😳😳