هو حضرتك لسه ما شبعتش….قسوه 

هو حضرتك لسه ما شبعتش قسوه !!!!

أيوه حضرتك

يا من قاربت من نهاية العقد الخامس أو تعديته

حضرتك لازلت تعامل من حولك بقسوه !!!!!!

تعامل من يعايشوك ما يقرب من ثلاثين عاما ….أو يزيد

ثم تتعجب

لماذا ينفضون من حولك 🤔

صحيح أنا لست رجلا

إلا إني أدرك تماما ما تحتاجه المرأه

العطف و الإهتمام و التقدير….. أهم ما تحتاجهم

فلقد خُلِقت من شئ حي

بخلاف آدم الذي خُلِق من طين

أحب أقول لحضرتك ….إن الحكايه قربت تخلص خلاص

و إن حضرتك الآن بتجني ما زرعته

فكفايه قسوه بقى

كفايه قواعد باليه موروثه من سي السيد و مفاهيم عجيبه عن كيفية بناء شخصية الأبناء الذكور

كفايه قسوه على شريكة الحياه و الذريه

كفايه ضيعت عمرك هجر و خصام و كنت تقدر تخلق الدنيا الجميله

كفايه…….

ها هو الجمع ينفض من حولك ….الواحد يلو الآخر

و إذا كانت شريكتك من النوع الصبور….فإتقِ الله فيها

و إحذر….فإن للصبر حدود

بلاش تفقد آخر سند دنيوي لك بعد الله

انا متأكده ان حضرتك لديك روح من الله سبحانه و تعالى

كفايه ضغط على هذه الروح و حبس لها

سيبها بقى تعيش

إفرج عنها…..و إستعملها شويه

خلي اللي حواليك يتمتعوا بجمال روحك التي دفنتها حيه

ربما يجد القارئ مني شِده لم يعهدها من قبل

انما هي نصيحة الثلث الأخير من الرحله

كفايه بقى حبس للروح الجميله التي بداخل كل رجل

الرجوله ليس هي القدره على القسوه

إطلاقا

إنما الرجوله هي القدره على العطاء…..رغم قسوة الظروف المحيطه

رجاء….روحك تناشدك تحريرها من القمقم

Plz

حررها…..و ستنعم بالباقي من عمرك حضرتك و من حولك

أطلق لروحك الحنونه العنان 👌