فيه الصحبه
و فيه حُسن الصحبه
دي اللي فيها بنتجمل ……
بنضع ميك أب على أخلاقنا
بنبقى زوق…..بلغة العصر ……كيوت…..لطاف كده جمع لطيف
امتى بنبقوا من اللطفاء 🤔
عندما تكون كل الأجواء حولنا تدعونا للهدوء و الإستجمام ……….
طيب دي هنوصلها ازاي و احنا في وسط الزحام 😳
زمان قالها الكاتب الكبير المرحوم الأستاذ أسامه أنور عكاشه……أخلاق الزحام
عندما حلل اسباب تغير أخلاق الشعب المصري….ليس الفقر …..بل الزحام
الزحام يؤدي لحاله من الصراع بين البشر
في الصراع…..يتكالب الجميع على إقتناص رزقه🤔
مع إننا لو فكرنا قليلا
لأدركنا
أن الرزق بيد الله و ليس بالتكالب
الرزق نوعان
جزء يأتيك بفضل الله….الرب المربي الرازق الرزاق
و جزء يأتيك بطموحك و مجهودك…..وهو عدل الإله
ولا يأتيك إلا عن طريق رزق الله لك و هو صحتك
يعني برضه في الآخر سنجد ان منبع الأرزاق هو المولى سبحانه و تعالى
إذا
لماذا الصراع …..لماذا التكالب على الرزق……
سؤال لابد أن يتراود لأذهان كلُ منا ؟
ربما يخفف ولو قليلا من مستوى اخلاق الزحام التي وصلنا إليها
إذا كنا فعلا عايزين ننول الجنه 👌
لو فعلا بنتمناها يبقى لابد من تغيير اخلاقنا و ليس فقط مظهرنا
اخلاقنا من داخلنا
من عقلنا …..و نسبة سيطرة قلوبنا علينا
فلو قلوبنا فيها سكينه و إطمئنان لوعد الله بالرزق
لما وصل الصراع بيننا لهذا المستوى الذي تدنى بأخلاقنا هكذا
تظاهرنا بأننا نطيع الله خلال ممارسة عبادات ظاهريه
و أهملنا العبادات الحقيقيه داخل قلوبنا
تجاهلنا سلامة قلوبنا من الضغينه و الحقد و الغيره و الحسد
أمراض مجتمعيه انتشرت بيننا كسريان النار في الهشيم
فقضت على مافي الحياه من جمال
ربنا خلق لنا خُلق التنافس …..انما جعله لهدف الفوز بالجنه
نتنافس في طاعة الله
لن ننكر ان الطموح شئ براق
يستثير من يطالعه
انما المفروض يستثيره كي يقلده و ليس يحقد و يتمنى زوال النعمه لغيره
الطموح يبني صاحبه…..ولا يهدم منافسه
كلنا علينا أن نسعى
لنصل لأعلى مستويات طموحنا
انما سعي بدون أن نؤذي غيرنا
و كما قال الدارسون للدين
عادي انك تتأثر بنجاح غيرك…..لا يُحسب لك ذنب
طول ما أنت بتتأثر …..طول ما انت بتحاول تنجح أكثر و أكثر
متى يكون ذلك ذنب
حينما تحاول أن تؤذي الناجح
وقتها
نقولك stop
ولا حتى مسموح لك انك تتمنى زوال نعمته….ممنوع حتى الأمنيه بالسوء
اوك إستحسن ……لكن تحمي صاحب النعمه و تقوله ما شاء الله لا قوة الا بالله
ممكن طبعا تدعو الله ان يعينك كي تحقق طموحك ….هذا طبيعي
كمان لازم مخك يقولك شوف الناجح هذا عمل إيه كي ينجح
ساعتها إعمل زيه …..لربما تنجح كمان أكثر منه
لازم مخك يقولك هل الناجح هذا خالي من النواقص؟
هل هو كامل العطاءات من الله سبحانه و تعالى ؟
هل انت عايز تاخد حياته كلها بحلوها و مرها😳
ايوه
سبحان الذي قسم الأرزاق
و لم ينس أحد
و سبحانه و تعالى قسم أيضا الإبتلاءات…..فشملت كل أحد
الفرق فقط في نوعية الإبتلاءات
فهو سبحانه و تعالى
لا يكلف نفسا …..إلا وسعها
بالعاميه كده
كل برغوت على قد دمه
الشخصيه الجامده…..تاخد ابتلاء جامد ….هتقدر عليه
و الشخصيه الضعيفه …..هتاخد برضه ابتلاء ضعيف يناسبها
و الشخصيه النص نص …..هتاخد ابتلاء نص نص على قدها
لو فهمنا المعادله دي
هنرضى عن حياتنا
هنتعلم ازاي نحسنها
و الأهم اننا هنسعى و معانا السكينه
لو معانا السكينه
عمر ما هيبقى عندنا صراع
و لا هيبقى مجتمعنا فيه اخلاق زحام
و لا هنعاني كما نعاني حاليا
و كله
حسب سلامة قلب كل واحد فينا……
نتضرع إلى الله ان يعيننا على تنقية انفسنا من شوائب القلوب
وأن يهدينا سواء السبيل
مافيش حاجه بعيد عن ربنا
لكن لازم احنا كمان نكون ايجابيين و نحاول
و طبعا نستعيذ بالله من الشيطان الرجيم
و من شرور انفسنا
و من سيئات أعمالنا
من يهده الله فلا مضل له
و من يضلل فلا هادي له
أقول قولي هذا و أستغفر الله لي و لكم
و صلِ اللهم على سيدنا محمد
و على آله و صحبه و سلم تسليما كثيرا
2
-2
