حقكم علينا

هنخسر إيه …..
لو جبرنا بخاطر التعبان…..و قلناله حقك عليَ
حقك عليَ فيما عانيته خلال حياتك
حقك عليَ إن ظروفك كانت صعبه
حقك عليَ من كل ما قاسيته من مرار
حقك عليَ في كل ما عانيته من ضغوط
حقك عليَ…..تعب كلها الحياه
حقك عليَ….احنا جنبك و نسند بعض على الطريق
حقك عليَ….و اللي يرضيك انا أعمله
أهي دي الطبطبه……
ليه ما نبقاش بلسم ل بعض
طيب بالله عليكم
هل هننقص حته لما نطبطب على بعض😊
هل هنخسر حاجه لما نخفف عن بعض ظروف الدنيا
بالعكس طبعا
كل الزعلانين هيرضوا
و يبتسموا
و ما يلاقوش فاضل عندهم زعل
و كمان هيضحكوا 😂
و يقولولنا……أنتم ذنبكم ايه
انت كمان ذنبك إيه …..لازم كلنا نحن على بعض
من غير دخول في التفاصيل
حقك علينا يا كل حزين
حقك علينا يا كل تعبان
حقك علينا كلنا
و احنا غلطانين لك
نيابة عمن غلطوا بحقك
و مش كتير اننا نقوله …..آسفين بالنيابه عن الظروف
آسفين لكل الزعلانين
حقكم علينا 🌷