حكايه جميله

 كنت باحب اقراها قويي 

ضمن اسباب تسمية سورة التوبه بهذا الإسم

حكايه special فعلا اتكتبت عن لسان صاحبها الصحابي كعب بن مالك

موجوده طبعا على جوجل

انما زمان كنا بنقراها في كتاب جميل اسمه 

رياض الصالحين

طبعا كلمة رياض جمع روضه: جنه

كان كتاب لذيذ مختصر

يقولنا لو عملنا كذا هنفوزوا ب كذا في الجنه

ما علينا

الحكايه واخده عدة صفحات في الكتاب

الصحابي كعب بيحكيها حصلت قبل معركة تبوك

بيقول كان فاضي

ما وراهوش حاجه

لكن كل ما يروح السوق يجهز نفسه للسفر 

للمعركه

يرجع فاضي

زي ما نقول كده مالوش نفس

فاضي و معاه فلوس كمان مقتدر

و برضه ما بيجهزش نفسه

زي ما بنقول كده كمصريين .....بيتمرتك

فضل على دا الحال

لغاية الناس ما اتجهزت

و رسول الله صلى الله عليه و سلم خرج للمعركه

و البلد فضيت

كعب بيحكي بيقول بقيت اشوف البلد ما فاضلش فيها الا العجايز و اللي مشهورين بالنفاق😞

بدأت روحه تصعب عليه

هو مش عجوز....فهل هو من المنافقين؟

بدأ الندم على تقاعسه يعتريه

و لما رجع النبي صلى الله عليه و سلم

بدأ المتخلفين عن الغزوه يروحوله يعتذروله

و النبي يقبل عذرهم و يستغفر لهم

لكن لما كعب بن مالك راح له ما قدرش يزود أخطاءه

ما قدرش فوق الكسل و الاستهتار يبقى كذاب كمان

قعد معاه و قاله و الله انا كنت مقتدر لكني ما طلعتش معاكم

النبي ما ردش عليه لكن كعب فهم من نظرات النبي انه زعلان منه وان الحكم عليه لسه ....ياترى ايه ؟؟!!!

ناس قالوله ماعتذرتش ليه و خلاص زي اللي اعتذروا و خلصت نفسك

ساعات كان بيفكر يروح يغير اقواله 😳 لكن ما عملهاش.....

و لما سأل : هل فيه حد عمل مثله

اتقاله ايوه ؛ ٢ غيره

يعني ٣ ما كذبوش.......٣مش منافقين من كل المتخلفين عن الغزوه

ثم بدأ الحكم عليهم

ان محدش من المسلمين يكلمهم 😳😳

بقى كإنه عايش لوحده في بلد طويله عريضه😞

زمايله ال٢ إستسلموا وقعدوا في بيوتهم....لكن هو كان بيخرج وماحدش بيكلمه من المسلمين

الحكم زاد

إن زوجاتهم تسيب البيت كمان 😩😩😩

الخنقه زادت اكتر 

(ماعدا احدهم كان مرِض فالتمسوا قيام زوجته بتمريضه فقط لا غير)

و يحكي كعب

ان جاتله رساله من أمير كافر مفادها

بلغنا ان صاحبك قد هجرك فألحق بنا تجد ما يرضيك ( يقصد بصاحبه النبي ص ع س )

فقال لنفسه: و هذا ابتلاء أخر😞

استمروا كده حوالي ٣ شهور

لغاية ما ضاقت عليهم الأرض بما رحبت

ثم ضاقت عليهم أنفسهم

و ظنوا الا ملجأ من الله إلا إليه

بدأ كعب المقاوح يبطل يخرج هو كمان و يحاول إن يتكلم مع حد من المسلمين

و بقى يقعد على السطح يدعي ربنا و ينتظر الفرج 😢😭

و كله ندم على تقاعسه

لغاية ما في يوم سمع البشاره

ربنا تاب عليكم

ابشروا ربنا تاب عليكم

بسرعه

نزل و راح المسجد

و كان أول من قام له صديقه : طلحه

ف كان كعب لا ينساها لطلحه 😢😭

" وَعَلَى الثَّلَاثَةِ الَّذِينَ خُلِّفُوا

 حَتَّى إِذَا ضَاقَتْ عَلَيْهِمُ الْأَرْضُ بِمَا رَحُبَتْ 

وَضَاقَتْ عَلَيْهِمْ أَنْفُسُهُمْ 

وَظَنُّوا أَنْ لَا مَلْجَأَ مِنَ اللَّهِ إِلَّا إِلَيْهِ

 ثُمَّ تَابَ عَلَيْهِمْ لِيَتُوبُوا

 إِنَّ اللَّهَ هُوَ التَّوَّابُ الرَّحِيمُ (118)

 يَا أَيُّهَا الَّذِينَ آمَنُوا اتَّقُوا اللَّهَ 

وَكُونُوا مَعَ الصَّادِقِينَ (119)

 مَا كَانَ لِأَهْلِ الْمَدِينَةِ وَمَنْ حَوْلَهُمْ مِنَ الْأَعْرَابِ أَنْ يَتَخَلَّفُوا عَنْ رَسُولِ اللَّهِ

 وَلَا يَرْغَبُوا بِأَنْفُسِهِمْ عَنْ نَفْسِهِ 

ذَلِكَ بِأَنَّهُمْ لَا يُصِيبُهُمْ ظَمَأٌ 

وَلَا نَصَبٌ 

وَلَا مَخْمَصَةٌ فِي سَبِيلِ اللَّهِ 

وَلَا يَطَئُونَ مَوْطِئًا يَغِيظُ الْكُفَّارَ 

وَلَا يَنَالُونَ مِنْ عَدُوٍّ نَيْلًا

 إِلَّا كُتِبَ لَهُمْ بِهِ عَمَلٌ صَالِحٌ

 إِنَّ اللَّهَ لَا يُضِيعُ أَجْرَ الْمُحْسِنِينَ (120) 

وَلَا يُنْفِقُونَ نَفَقَةً صَغِيرَةً وَلَا كَبِيرَةً

 وَلَا يَقْطَعُونَ وَادِيًا

 إِلَّا كُتِبَ لَهُمْ لِ

يَجْزِيَهُمُ اللَّهُ أَحْسَنَ مَا كَانُوا يَعْمَلُونَ (121)

( ملاحظين معايا حنية ربنا عليهم في الأيه 120 "ما كان..." باحسها

كده برضه تعملوا كده

مايصحش )

بشمعنى الموقف ده اتشرح كده بالتفصيل في القرآن الكريم

تضيق الأرض بما رحبت

وتضيق علينا انفسنا

خاصة ان خلاص مافيش وحي

هل ربنا بينبهنا

لما يحصل لكم كده ؛؛؛ الخنقه دي

اعرفوا انكم تخلفتم عن طاعه معينه ؟؟؟ 

و لا مثلا بيقولنا انها مهما ضاقت

وسمعنا و امتثلنا لأوامر ربنا ......ستُفرج

ولا ان الابتلآت بتتاتابع سواء عًزله عن المجتمع ثم مكيده من اعداء الوطن الصيادين في الماء العكر

ولا بتكرهنا في الكسل و الإستهتار؟؟؟

 بس بيؤثر فيا طاعة المسلمين لرسولهم حتى في مصاحبة حبايبهم

كمان ان اللي مقطوع منه الرجا زي المنافقين كده مش لازم نعبرهم

هم خسرانين دنيا و اخره

انما

 الصادقين دول مالهمش مثيل

لدرجة نزل عشانهم آيات تُتلى

أتمنى مشاركتكم

لعلنا جميعا نوصل لحكمة توثيق هذه الحادثه!!!!!