هديه……لحاملي ذاكرة السمكه

هديه لحاملي…..ذاكرة السمكه

كان ياما كان
يا سعد يا إكرام
ولا يحلى الكلام
إلا ب ذكر النبي عليه الصلاة و السلام

كان فيه شعب عليه حكام
بسم الله الرحمن الرحيم….أعوذ بالله منهم و أعوذ بك ربي أن يحضرون
الحكام دول كانوا بيحكموهم سنة ٢٠١٢
عشموهم بحاجه اسمها النهضه
و عملوا لهم شعار أسموه……طائر النهضه
له مقدمه…..والله يعزكم لا مؤاخذه …..مؤخره😬
و قعدوا يرسموا لهم الاحلام الورديه
في نهضه جهنميه
هتحل كل مشاكلهم في ظرف ٦ شهور …..و شويه
حكولهم و عشموهم علشان ينتخبوهم
قام بعض من الشعب اتخدع….و صدق
و فعلا نجحوهم…..
بالحق ولا الضلال أهم نجحوا و خلاص
الشعب قالهم فين ال٦ شهور اللي وعدتونا بيهم
قالولهم …..لا
دول ٦ شهور بعد كم شهر كده ولا كم سنه مما تعدون
الشعب قالهم طيب فين طائر النهضه ده
برضوا الحكام قالولهم ……طائر النهضه طااااااار
و مش عارفين نرجعه
و خد عندك
كل حاجه في بلدهم باظت
كل حاجه في كل ناحيه حتى بنزين العربات ماكانش موجود
أما الكهرباء بقى
فكانت بتتقطع بال ٤ ساعات
و من غير مواعيد……
الشعب رفض حكمهم
و ثار عليهم
و اتعين رئيس من القضاء
لحين ايجاد رئيس منتخب

أول حاجه قالها الرئيس المنتخب بعد إنتخابه
هتتعبوا معايا 😳
أيوه
هو وعدهم ب كده…..!!!!!!
لإن بلدهم كان بقالها فوق ال٦٠ سنه بتتنهب
سواء من الخارج في حروب …..أو من الداخل في فسده
جه الريس الصادق قالهم هتتعبوا معايا
لإني لازم أصلح غلط ٦٠ سنه
مش غلطي انا ……..
ما خدعهمش
قالهم …..هتتعبوااااااااااا معايا
إنما الحقيقه تعب الشعب معاه أقل بكتيييييييييير من تعب ٢٠١٢
مافيش نسبه أصلا
و بالذات في موضوع الكهرباء
٢٠١٢ كانت الكهرباء بتتقطع ٤ ساعات
٢٠١٢ كانت الكهرباء بتتقطع بدون مواعيد
يبقى
اللي سكت عن قطع الكهرباء في ٢٠١٢
ماسمعش صوته و هو بيولول في ٢٠٢٤
بالذات
لما نبقى اصبحنا في بلد غير البلد
بلد بقت بتنافس الدول العالميه في مستواها
و هتقولي زيادة الاسعار
هأقولك زيادة المرتبات
هتقولي شعب ضعيف
هأقولك شعب بالمقاطعه بقى قوي
احنا فعلا ما نعاني منه هو الفسااااااااااااد
و مهما كانت قوة ريسنا
عمره لوحده ما هيقدر يكافح فساااااااااد بهذا الحجم
لازم احنا كمئة مليون مصري
نكون مائتي مليون يد تضرب الفساد
لازم نتوحد على مقاومة كل فساد نراه
أيد لوحدها ما تسقفش
بالذات ان ريسنا فعلا خلى بلدنا …..قد الدنيا
و كل يوم بيفاجئنا بانتاج جديد
مش بس بمشروع جديد
اتوضح الحال…..ولا نقول كمان
يا إما ترجعوا لعصر النهضه و ٤ ساعات قطع كهرباء بدون نظام
يا إما ترجعوا لعهد ما قبل ٢٠١١ و قطع كهرباء عمال على بطال
يا إما
ترضوا بحالكم و تتعبوا كما وعدتم ريسكم
و نتحد كلنا مع بعض لمكافحة الفساد
و كل من يعترض
يحمد ربنا انه بيعترض و متساب يعترض
يعني بلدنا مليانه ديمقراطيه
يا متعلمين…..يا بتوع المدارس
بطلوا ذاكرة السمكه

كفايه كده…..ولا نقول كمان 😳