في منطق الانفاق بين الزوجين

خلينا ناخدها واحده واحده كده…….

يمكن نقدر نستوعب ما يدور حولنا???? من حوارات

هو مش فيه عندنا فروض

مثلا الصلوات الخمس

و صيام شهر رمضان

و الزكاه

دي اللي يتركها ياخد ذنب

اسمها فرووووووووض

من يتركها يأثم ؛ يعني يتعاقب من ربنا سبحانه و تعالى

انما فيه سنن من السُنه

فضل بيعمله المؤمن

لو عمله ياخد حسنه

و لو تركه

لا يأثم

و لا يتعاقب

و لا يبقى عليه ذنب

دلوقتي بقى نطبق

انفاق الزوج على بيته …….فريضه

من يتركها يأثم

من يتركها ياخد ذنب

لكن الزوجه لأااااااااااا

الزوجه ليست عليها فرض 

لو فعلتها

لها أجران مش أجر واحد كما جاء في الحديث النبوي

أجر الصدقه

و أجر صلة الرحم

اشتراك الزوجه في النفقه ؛ فضل منها

المفروض تتشكر عليه

مش تتاخد فلوسها و بعدها تتهااااااان

الزوجه لما تشارك في البيت

تبقى بتعمل فضل زي كده الصدقه

لكن الرجل الانفاق عليه فريضه

اتمنى يكون كده الكلام واضح

طبعا انا لا ادافع عن أحد

الدنيا علمتني كده

"لا تزر وازره وزر أخرى"قرآن كريم

انا ربنا هيسألني عما اكتبه أنا و ليس ما يكتبه غيري

نيجي بقى لأسباب الزواج

معلوماتي

ان الرجل هو من يخطب

و يتكبد الغالي و النفيس

معلوماتي انه كان بياكل و يشرب و ملابسه بتتغسل في بيت والده

و مع ذلك

راح يخطب

اللي بيسألوني ليه من الرجال

بأقولهم انا لست رجل كي اجيبكم

انتم الأدرى بأنفسكم لماذا تزوجتم

و رسولنا صلى الله عليه و سلم قال

يا معشر الشباب

من استطااااااااااااع منكم الباءه فليتزوج

و من لم يستطع

فعليه بالصوم

فإنه له وجاء

معنى كلمة الباءه

الكفاءة المادية : تعني قدرة الرجل على القيام بأعباء الزواج ، من مسكن وملبس ومأكل

يعني بالعاميه كده

اللي ما معهوش

ما يلزموش

يصوووووووووم

مش يخترعولي علاجات من الكبائر

علما بأن الأيه الكريمه تقول

" إن يكونوا فقراء، يغنهم الله"

لكن

" لا يكلف الله نفسا إلا وسعها" قرآن كريم

فالفاروق عمر بن الخطاب لم يستطع تحديد المهور

طبعا انا ضد المغالاه في تكاليف الزواج

و دايما بأقول

غرفه و صاله تكفييييييييييي

انما فيها الاجهزه التي تسهل الحياه

و كل واحد يختار زوجه مكافئه له

و في نفس مستواه الاجتماعي

و هذا ما انصح به إبني

و ربنا العالم بصدقي

لو سمحتم

غياب العلم بحقوق و واجبات الزوج و الزوجه

هو السبب وراء ازدحام محكمة الأسره

لازم تدرس حقوق و واجبات الزوجات و الأزواج في المناهج الدراسيه

لازم لنربي رجالا 

لازم نعلمهم ان الرجل يأثم و يذنب اذا لم ينفق على زوجته و أبنائه

لازم يعرف ان مرتبها و ميراثها لها هي

لذلك هي بتاخد نصف ميراث اخوها

مش ممكن نبقى مؤمنين

و ننفذ شرع عبيد البقر يا ناس ????????????