ها هو نتاج جيل حقبة التوريث……..
مش هأقول أسماء علشان لا أجرح مؤيديه😳
جيل شعاره….الباطل بتاعنا لازم يكون قانوني
جيل…..يا عزيزي كلنا لصوص
جيل تمخض عن فئه فهمته الدين غلط
فهمته ان الدين مظهر و ليس جوهر
تطول الدقون….و حتتين سبحان الله يا أخي سبحان الله….. و أخذ الناقه وشرخ
جيل لما تتزنق…..تكذب ولو كنت في شهاده أمام القاضي

انا فعلا عايزه ارجع لتعليم زمان
و شيوخ زمان…..الحالقين
المتسامحين
الذين سهلوا علينا الدنيا

عمرنا زمان ما فيه طالبه جامعيه طلعت الحج….و خلت واحده تنتحل شخصيتها و تؤدي الإمتحان 😳😩
عمرنا زمان ما فيه مربية اجيال…..معلمه…..وقفت تغشش لجنه بحالها بالميكروفون 😩😩

هو المرار اللي احنا فيه ده
هيتغير ازاي 😩😩😩
تفتكروا
ان افلام البلطجه اللي ماشيه دي
هتنتج لنا جيل شكله ازاي

جيل بلطجي متربي على ايد غشاشين

لازم وقفه جامده
المفاهيم اتدمرت مش اتلخبطت

إنما الأمم الأخلاق ما بقيت
ف إن هم ذهبت اخلاقهم……ذهبوا

أمير الشعراء: أحمد شوقي

هذا بخلاف بتوع اللاتنميه بشريه
الذين يدمرون الأسره من الداخل
الذين يشحنون الأبناء ضد الأبااااااااااااء

الموقف بقى صعب للغايه
سوس بينخر من جوه
و براكين بتولع من بره

راحت فين القيم و المبادئ و المثل العليا و ……الدين
مش هاتكلم عن ديني فقط
فأصحاب الدين المسيحي قمه في التسامح بأتعلم منهم حقيقي
" و إلهنا و إلهكم واحد
و نحن له مسلمون "سورة العنكبوت

طبعا العلاج صعب
لكن على الأقل نبدأ
الناس دي كلها
لازم ندخلهم حاجه كده زي …..الدير
اقامه كامله
ياخدوا فيها دوره على الأقل ٣ شهور
نعدلهم سلوكيااااااااااااا
لازم هذه الكوارث يكون لها حل
هم و منتجوا افلام البلطجه
و ممثلوا نفس الأفلام
و الممثلين اللي بيبيعوا مصر بالعملات غير المصريه
و الاعلاميين الخونه كذلك
لازم
نعملهم دورات تأهيليه
نحاول
ولو محاوله
نغير منهم
و كل هذا على حسابهم طبعا
فهم اغنياااااااااء جدا
كل مستوى مادي معين
نعمله الدوره في فندق يوازي مستواه على حسابه
و كمان اجرة التربويين هتبقى على حسابهم
مش معقول نصرف عليهم من ميزانيتنا يعني
انما
لازم يحضروا الدوره
و بعدها
اذا لم تظهر عليهم دلائل التحسن
يعيدوا الدوره تاني و ثالث و عاشر
مهي على حسابهم

و هنسميها

#دورة_المدينه_الفاضله
UTOPIa
أو
#دورة_البلاد_المحجوبه

والله مش بأهزر
فكروا معانا طيب
هنعالجهم ازاي بعد ما وصلوا لهذا العمر
بعد ما بيتمرش فيهم خير
بعد ما صاروا قنابل موقوته بتنفجر كل يوم فينا وفي الاجيال الجديده
فكروا كده
كيف يمكن علاج هذا الطاعون

اللي مسك في الفئران

إلا إنه و باااااااااااء

ستصيبنا شظاياه