ما اتذكره عن عبد الناصر هو نغمة صوته الرنانه العذبه

وصاياه بربط الحزام 

ابتسامته و انا اتابعه في نهاية خطاب له يوم خميس و هو يختم : أسيبكم تتفرجوا بقى على فيلم السهره !!!!!!! وقتها تعجبت .....هو عارف اننا هنتفرج !!!!!

طبعا وانا #طفله صغيره كِلمته حسستني انه زينا و قريب مننا

حزنت عليه جدا #كطفله لما مات و بكيت و بكينا كلنا و غنينا في حصة الموسيقى : الوداع يا جمال يا حبيب الملايين الوداع

ثورتك ثورة كفاح عشتها طول 

السنين ....الوداع

و جه السادات

صراحه كان فرق شاسع في الكاريزما

لكن بعد نصر اكتوبر اتغير الحال 

و بالتحديد لما بدأ يتكلم بالعاميه زي عبد الناصر ........قرب مننا كتير

اما مبارك فلا أذكر انني استمتعت بخطاب له .......حقيقي????

مرسي بقى ..........كنت اهرب من كلامه ........يوم الشرعيه جاتلي مكالمة تليفون رجعت لقيت بنتي بتبكي من ٧ مرات الشرعيه

#ثم 

ظهر بريق شمس جايه من بعييييييد ☀️

بتلمس مشاعر احساس الأبوه الذي اختفى بموت عبدالناصر و بعديه أبي رحمهما الله

نقول مشاعر #الأخ الأكبر الذي يشيل دور الأب

مشاعر صحت ماضي انسان بيحس بشعبه و ما يسعده و ما يحزنه و ما يحنووووووو عليه

و علشان ماكنش عاطفيه و اجيبلكم الدليل على كلامي

عباره قالها السيسي و قليل مننا أللي خد باله منها ........

خطاب الحنو على الشعب كان في حفل تخرج دفعه من الكليه الحربيه

في الصيف

و الدنيا حر

و الطلبه شايلين سلاحهم : كتفا سلاح

و السلاح تقيييييييل و كل من شاله يعرف كده

اقوم الاقي السيسي يقطع كلامه في خطابه و يقول لقائد الطلاب : #قولهم_جنبا_سلاحا

السيسي اللي ساعتها كان وزير الحربيه بيحس بأصغر طالب بالكليه

لفته صغيره انما كشفت قلب كبير

قلب بيحس بغيره 

شئ زي ما قلتلكم بيصحي الوجدان لحنين الى واحد مننا حاسس بينا

واحد كل ما افكر في حل لموضوع ما…… الاقيه مقرره !!!!!!

بالأمس يفضي بعذابه لرؤية سكان العشوائيات في الأحاديث التليفزيونيه و طلبه قبل تكليفه لمائة مليار لعلاج معاناتهم

انسان عاطفي و حنون و يجمع معاها الحزم و ليس القسوه ( بينهما شعره : الحزم / القسوه)

وبدون الحزم لا تستقيم الإداره

امل كان يداعب وجداني منذ حوالي ٢٥ سنه امل لرئيس أمين و بيحب مصر

لما الاقي كل هذه الصفات مجتمعه في شخص واحد ربنا اراد ان يحكم مصر .............تفتكروا ينفع حد يلومني في توقير أخي الأكبر ؟!!!!!

لا تلوموني 

اني اشكر نعمة الله ان حبانا بالسيسي

لا تلوموني

و لو حتي بلعتله الزلط

لكنه لم يجلب لنا الا #روفايللوا

اجمل حلوى حبيتها بعد الشيكولاته 

حفظك الله لمصر كلها يا ابيه عبد الفتاح #السيسي

 

من ٢٠١٦