ذكريات……ولا أحلى

بصفتي مصريه

و بالأخص من مواليد اسكندريه

#أحد #السعف ده له ذكريات خاصه جدااااااااااااا

اليوم اللي كل رواد الكنائس خارجين منها ومعاهم سعف جميل زي ده

أخص بالذكر كنيسة سبورتنج على الترام ????

و من قبله زميلاتنا في الفصل كانوا بيعلمونا ازاي نعمله......زي الصوره بالضبط????

هي دي مصر

ناس بتعبد ربنا في الكنيسه 

و ناس بتعبده في الجامع

 "وَلَا تُجَادِلُوا أَهْلَ الْكِتَابِ 

إِلَّا بِالَّتِي هِيَ أَحْسَنُ 

إِلَّا الَّذِينَ ظَلَمُوا مِنْهُمْ 

ۖ وَقُولُوا آمَنَّا بِالَّذِي أُنزِلَ إِلَيْنَا

 وَأُنزِلَ إِلَيْكُمْ 

وَإِلَٰهُنَا وَإِلَٰهُكُمْ وَاحِدٌ 

وَنَحْنُ لَهُ مُسْلِمُونَ (46)سورة العنكبوت

هي دي مصر اللي نشأنا و ترعرعنا فيها

مصر اللي هتفضل تجري في عروقنا لآخر يوم من عمرنا

كمان ماخبيش عليكم

احد السعف بيهل معاه روايح شم النسيم

ببضه الملون و فسيخه و لمة احب الناس لينا خالاتنا و اسرهم

و قبله

خميس العهد

و الجمعه الحزينه

و سبت النور

و حد القيامه

حفظناهم

كما حفظنا مواسمنا و أعيادنا بالضبط

اقولكم كمان حاجه علشان تصدقوني و تتأكدوا ان انا انسان مش ملاك ????????

أصل يعني الحقيقه يعني ????

ان تقريبا من ثلث لنصف اساتذتنا و ابلاتنا كانوا بيغيبوا في هذه الأيام

و نظرا لإن فرمانات بيتنا كانت تحرم بدون مبالغه و تمنع منعا باتا الغياب عن المدرسه

فقد كانت السعاده الحقيقه وقتها يعني ان المعلم هو اللي يغيب

و بالتالي

لا تسميع و لا واجبات و لا امتحانات ????????????????????????

طبعا و لا أحلى من كده????????????

المشكله بس

ان ساعات كتيره كانوا يغتتوا علينا

و يخلوا الامتحان تاني يوم شم النسيم ????

بس سيبكوا

احد الزعف ده له طعم تاني......بشارة شم النسيم

كل سنه وكلنا طيبين

اعاده الله علينا و على العالمين بالخير و اليمن و البركات

بس انا واخده على خاطري انهم ما قالوليش انه يوم عودة سيدنا المسيح عليه و على رسولنا الصلاة و السلام لأورشليم 

يالله ......اديني عرفته الحمد لله ????

أيام و لا أحلى

من الذاكره