عايزه أعرف رأيك في موضوع

كلمه وقعها ممتع👌

كلمه تنفتح لها القلوب قبل العقول

و اللي تتقاله كده …..يتباهى بها و بالعاميه يستكنيص 😂 و يبادرك …..كلي آذان صاغيه

إذا اتقالتلك من شريك الحياه بتكون دايما صادقه 👍

من الأبناء طبعا بتبقى هامه لديهم جدا👌و توحي بثقتهم فيك 👍

انما المشكله كل المشكله لو اتقالتلك من غيره 🤔

مثلا لو اتقالتلك في الشغل من موظف أقل منك درجه

ده في الغالب بيبقى بيثبتك 😊

بيعظمك قدام نفسك علشان تبقى عجينه سهله في ايديه🤔

أما بقى عالفيسبوك 

ف أوعى تصدقهم

دول عايزين تعليقات و خلاص بنسبة ٩٩،٩٪؜ حتى لا نظلمهم😞 علشان يكسبوا 😳

لو جاتلك بقى العباره دي

و أختها

عايز أستشيرك 😳

WOoooooow 

في الinbox 

ف دي بقى ( بلغة الشباب) وش كده

عايز ينصب عليك😩

هو يعرفك منين علشان يثق فيك كده و يستشيرك😳

هو حضرتك مثلا سقراط

و لا أرسطو

ما عنده الChat GPT ياخد رأيه 😂🤣