@ايوه #أسيب_دوري.....لازم
-
#نكته كانت بتتحكى
واحد ماشي في الشارع لقى طابور طويييييييييييل
فوقف فيه
قال يمكن افوز بسلعه رخيصه أو نادره
ظل واقف فتره من الزمن و الطابور لا يتقدم و لا يتحرك
سأل من قبله في الطابور : هو ده طابور على إيه ؟؟
اللي قدامه قاله انا كنت ماشي لقيت طابور ماعرفش على إيه
قلت أقف ......
سأل اللي قدام اللي قدامه
برضه جوابه نفس الإجابه
سأل اللي قبلهم هم الثلاثه و لم يجد اجابه
فضل ماشي لغاية أول واحد في الطابور
سأله
هو الطابور ده على إيه بالضبط ؟!!!!!!
أول واحد في الطابور قاله
انا كنت تعبان شويه و انا ماشي
قمت ميلت على الحيطه أرتاح شويه و غمضت عيني
فتحتها لقيت ورايا كل الناس دي😳😳😳😳😳
أخينا قاله
طيب يالله أمشي خلي بقية الناس تروح
ففوجئ به بيقوله : #إنت_عايزني_أسيب_دوري ؟!!!!🙃🙃🙃🙃🙃😩😩😩
-
المنطق ده بلاقيه بيحيطنا في حياتنا كتير قوي
*ناس افتكرناهم صادقين و رغم اكتشافنا لكذبهم ........بنفضل نعاملهم انهم صادقين و بنكذب نفسنا
*غلطة ارتكبناها و بنظل أسرى لها مع اننا بشر و لازم بنغلط و ضروري نسامح نفسنا و نعيش حياتنا
*ثقه وضعناها في بشر و لم يكونوا اهلا لها ..........عادي المره الجايه نضعهم في حجمهم الحقيقي و اتعلمنا
*معتقدات خاطئه و عادات باليه اتعودنا عليها ..........لازم نغيرها و نبدأ نعمل الصح
من التجربه
#لازم_نسيب_دورنا
لما يبقى وهم ....خيال ........مش حقيقه
لازم نعترف و نواجه نفسنا
و نبدأ من جديد
دي حتى
#البدايات_دايما_لذيذه_و_ممتعه
و #الحياه_لا_تتوقف_لأحد