أي معامله راقيه …..تلك

أي رقُي هذا
الذي يعاملنا ربنا به 🤔
كل عمل كويس نعمله بيحاسبنا فيه على……نيتنا في عمله
النيه
هي أهم قواعد محاسبة ربنا لعباده
و أكثر حديث صحة هو الحديث النبوي ما معناه

إنما الأعمال بالنيات
و إنما لكل إمرئ ما نوى
فمن كانت هجرته إلى الله و رسوله
فهجرته إلى الله و رسوله
و من كانت هجرته لدنيا يصيبها أو إمرأه يتزوجها
فهجرته إلى ما هاجر إليه

في وقت من الأوقات
كان فعل الهجره أمر من الله سبحانه و تعالى
أمرُ ملزم لكل مسلم اعتنق الإسلام
لكن الله حدد ثواب تنفيذه ب …..نية المهاجر
النيه محلها القلب
و قبل ما نسترسل أحب أؤكد على نقطه هامه يغفل عنها الكثيرون
النيه في العمل الصالح الحلال فقط
فالعمل الحرام ….حرام ….لا فيه نيه ولا دياوله
حرام يعني بيجيب الذنوب لصاحبه
نرجع لموضوعنا
أي معامله راقيه يعاملنا بها الله
مثلا
في موضوع الزواج
نعم الإسلام يبيح الطلاق
لكنه يشترط عند الزواج أن تكون نية المتزوجين هي …..الأبديه
شايفين ربنا بيطلع على قلوبنا إزاي
لو واحد من المتزوجين ليس في نيته الأبديه
لازم يروح يستفتي فقيه في نوع زواجه هذا 🤔
طبعا انا لست فقيهه 😊
مثال آخر
حضرتك ممكن تشوفني بأكل أو باشرب
و طبعا دي اعمال مشروعه طبيعيه
ب نيتي…..ممكن أكل و أكسب حسنات
ايوه أكل عادي كده و أربح مكانه أعلى في الجنه…..حسب نيتي
لو استحضرت النيه اني بأنفذ أمر الله في الآيه الكريمه
" كلوا من طيبات ما رزقناكم "سورة البقره
لو كانت نيتي من الطعام التقوي ( من القوه) على طاعة الله
لو ذكرت إسم الله قبل الأكل و أكلت من حرف الطبق و ليس وسطه
و دي كلها سنن الأكل التي فعلها رسولنا صلى الله عليه و سلم
و لذلك كلنا ب نتبع السُنه النبويه و نقلد رسولنا عليه الصلاة و السلام
و كله بالنيه…..كله بالقلب

لو عاملت غيري بما يرضي الله إبتغاء رضاه سبحانه و تعالى وليس لمصلحه معينه
عاملته من قلبي
و ربنا نظر في قلبي لم يجد نفاقا لإكتساب رضا خلقه
وجد نيتي خالصه له وحده
الحسنات هتنزل ترف …….
علشان كده الناس بيقولوا …..ربنا رب قلوب
انما زي ما اتفقنا……في الأعمال الحلال فقط لا غير
ما ينفعش أؤذيك و اعتذرلك بإن نيتي كانت خير
مافيش خير في الأذيه
الأذيه ….أذيه …..الأذيه شر……ما فيهاش جدال
" فمن يعمل مثقال ذرة خيرا
يره
و من يعمل مثقال ذرة شراً
يره "
سورة الزلزله
أشكرك يا ربي على رُقي حسابك لنا
أشكرك يا رحمن على رفقك بنا و بقلوبنا
أحمدك و أشكر فضلك