أوڤر تايم …..حسنات

كان منتهى أملي
و أخر حدود خيالي
اني اعيش ل سنة ٢٠٠٠😳
لما كنت في السبعينات أجمل فترات عمري و قلبي البرئ
كان فيه برنامج إذاعي على محطة الشرق الاوسط تقدمه الإعلاميه ذات الصوت الذي يأخذنا لأجمل الأجواء …….السيده إيناس جوهر …….صوتها كان بيلالي كده الله يسعدها يارب كما أسعدتنا
برنامج …….تسالي
كان بيقول ان سنة ٢٠٠٠ سيتم اختراع ترابيزه ( منضده ) تضغط على زرار تطلعلك الطعام مطبوخ 🤫

لسه ما حصلش هذ الإختراع
يبقى سنة ٢٠٠٠ لسه ما جاتش 😂🤣
أياميها ماكنتش متخيله إزاي ال الألف و تسعمائه&& ١٩هيبقى يتكتب بدلها ٢٠٠٠ إزاي ؟؟؟ إزاي هـ نعد بعد الألفين بعد ما كنا بنعد ألف تسعميه و ………..😳😳

هي السنين بعددها ولا بما أضافت ؟؟
انا ٢٠٢١ أضافت لي أني لابد أن أتعلم بقى من أخطائي ………

العطاء المطلق
مفسدة مطلقه

الحياه أخذ و عطاء
ماحدش كله ياخد
و حد كله يعطي
شئ غير منطقي …….لازم نواجه نفسنا
حتى لو كانت متعتنا في العطاء
فلابد ان نعتبر أنفسنا واحد ممن نعطيهم 😂🤣

اعتبر دي خلاصة تجربة ٢٠٢١

لسه فيه لنا دور في الحياه
لسه فيه فسيلة الأرض تحتاج مننا أن نغرسها
و لسه فيه دروس لم نتعلمها بعد
لإن كما علمتني أمي
الإنسان يظل يتعلم حتى يموت

هل لسه لنا أنفاس ؟؟
وحده من يعلم سبحانه و تعالى
اللهم أحينا ما كانت الحياه خير لنا
و اللهم أمتنا ما كان الموت خير لنا
و إغننا بحلالك عن حرامك
و بطاعتك عن معصيتك
و بفضلك عمن سواك
و اكتبنا في عبادك الصالحين
و اللهم أرزقنا الشهاده في سبيلك
و الدفن في حرم نبيك
كل سنه و كلنا طيبين و بصحه و سعاده بين من نحبهم
#٢٠٢٢
آخر يوم هنكتبك يا ٢٠٢١ 😂🤣

هذا ما دونته عن ٢٠٢١
أما اليوم فأقول لسنة ٢٠٢٣
الحمد لله اني مش هأكتبك تاني خلاص
لإني لا بأحب ارقام ١٣ ولا ٢٣🤣😂
لكن طبعا ما قلتهاش قبل كده لإن التشاؤم ليس من الإسلام
رسول الله صلى الله عليه و سلم نهانا عن ( التطير: التشاؤم )
اتعلمت من ٢٠٢٣ إن أولى الناس بحسن صحابتك إن غادرك الوالدين : هو روحك
لا نعذب أرواحنا
لا نقسو على انفسنا
فالله جل و علا قال" لا يكلف الله نفسا إلا وسعها" سورة البقره
اوك بنحب نفعل الخيرات …..ممتاز
خليها عندما يطلبها منا غيرنا
الخير في غير أهله لا يقدر عليه سوى ؛ أقويااااااااء الإيمان جدا
ولا يُلدغ المؤمن…..من جحر مرتين
حقيقي رحلة الحياه مرهقه ……إنما ممتعه أيضا
عندما تنهي يومك بقلب سليم
راضي عن نفسك
نحاول في نهاية كل يوم نسأل نفسنا
هل أضفنا لقائمة حسناتنا شئ؟!!!!!!!!
شئ غير المكلفين به 🤔
يعني كل يوم له تكليفه من الفرائض…..ضروري نؤديه
طيب بقى هل تطوعنا بأعمال اضافيه …..أوڤر تايم حسنات يعني 🤔
أعتقد أن هذه حكمة الله أنه تاركنا لسه على وجه الأرض……..
أحب أضيف نقطه خاصه ب ٢٠٢٣
اللهم خفف على أخوتنا الدروع البشريه في فلسطين……ما هم فيه
فحتى لو ساد الهدوء
فالعوده لنقطة الصفر مرهقه جدا لهم
نحمد الله على نعمة جيش مصر و …..حامي حماها الذي جعل الله هذا البركان المروع في فلسطين درس لكل من رفضه سابقا
اللهم إهدنا جميعا للخيرات
لا يهدي لأحسنها إلا أنت
مرحبا لرقم ٢٠٢٤ 🤣😂
قدومك خير و بركه بإذن الله