أول تجديد ل٢٠٢٤

ولو بشق تمره 🤔

تخيلوا
رسول الله صلى الله عليه و سلم بيشجعنا على الصدقه ولو بنصف تمرايه 😳

تصدقوا ولو بشق تمره

أما القرآن فيحضرني دائما
أن الراحلون ممن قبلنا
نفسهم يرجعوا يعملوا أعمال صالحه كما جاء في سورة المؤمنون

"حَتَّىٰ إِذَا جَاءَ أَحَدَهُمُ الْمَوْتُ
قَالَ رَبِّ ارْجِعُونِ
لَعَلِّي أَعْمَلُ صَالِحًا فِيمَا تَرَكْتُ "ۚ

و في سورة المنافقين
يتمنى الراحل أن يؤخره الله حتى يتصدق🤔
ميز القرآن الصدقه عن سائر الأعمال الصالحه

"وَأَنفِقُوا مِن مَّا رَزَقْنَاكُم
مِّن قَبْلِ أَن يَأْتِيَ أَحَدَكُمُ الْمَوْتُ
فَيَقُولَ
رَبِّ لَوْلَا أَخَّرْتَنِي إِلَىٰ أَجَلٍ قَرِيبٍ
فَأَصَّدَّقَ
وَأَكُن مِّنَ الصَّالِحِينَ"

المجتمع حاليا محتاج أكثر و أكثر للصدقه
و احنا محتاجين أكثر و أكثر و أكثر
ليس فقط لثوابها عند الله
بل
" لِيَشْهَدُوا مَنَافِعَ لَهُمْ" سورة الحج
علشان نكمل أعمارنا سعداء
نفوسنا محتاجه تشحن طاقه إيجابيه
من ابتسامة من نتصدق عليهم
من دعواتهم
من نظرات إمتنانهم 😌
ولو ب جنيه واحد
موظفي الدليفري بيجمعوا الفكه
و احيانا بيكونوا رجال كبار امتهنوها أكرم من التسول
هناخد حسنات و احنا جوه بيتنا
و لو بقى عندنا ملابس شتويه بقالنا سنه لم نستعملها
من فضلكم تدفوهم بها
قرأت حديث نبوي بيقول ان ثوابنا يظل حتى تذوب أخر فتله منها
أما بقى لو تصدقنا بالجديد
فما شاء الله بقى على مكافأة ربنا

ومش عايزه انسى الأيتام
دول بقى الجائزه الكبرى
{انا و كافل اليتيم في الجنه…ك هاتين….✌️ وأشار بإصبعيه السبابه و الوسطى} معنى حديث نبوي
ليست فقط في الآخره
بل في الدنيا
لو بحثنا عن الأيتام و ساعدناهم
يا بختكم عند ربنا
هتلاقوا كل مشاكلكم في الدنيا ب تنحل من حيث لا تعلمون
اعتقد
ان دي أثمن شئ ممكن ننوي نبدأ به عامنا الجديد
٢٠٢٤