لا أنسى من منهج سنه رابعه موضوعين
واحد في العلوم
كان إسمه؛ نظرية الأواني المستطرقه 😳
حد يتخيل
طفله عمرها ٨ سنوات تتعلم كلمه زي دي 😳
و الموضوع التاني
طرق الري الزراعيه
١- الري بالحياض
٢- الري الدائم
اخيرا بعد مرور السنوات
إكتشفت إن كلمة الحياض دي جمع لكلمة : الحوض
يعني ما كانوش يعرفوا يسموها الري بالأحواض
بدل ما صعبوها علينا في سنه رابعه دي
السنه اللي بدأنا نكتب فيها بالقلم الحبر
و نملأ القلم من دواية الحبر كل يوم قبل ما ننام
و ياما المريله اتصبغت من هذا الحبر
أصل ما كانش أيامينا عندنا جروبات الماميز…….
اللي إنطلقوا على الوزير الأكثر من رائع د طارق شوقي
و حرمونا من حضوره
مع إن و لله الحمد
سياسته هي المنفذه كما كتبها
انما هو
ربنا أكرمه بمنصب يستحقه بكفائته و تميزه
ياريت بقى الماميز دولهم
يلغولي الموضوعين اللي تعبوني وانا عمري ٨ سنوات
أو على الأقل
يرفعولي قضية تعويض عما أثقلوا به كاهل ذاكرتي
و بالمره يزودوا عليهم موضوع من سنه خمسه
الفائده المركبه …..كانت صعبه قوي علينا ساعتها
و إن كانت مستخدمه للآن في البنوك
بس كان بدري علينا ناخدها واحنا في سنه خامسه ابتدائي
كنا فين …..و التعامل مع البنوك فين