إنه …..ل ذو حظ عظيم

كنت عايزه استفيد برأيكم
في ملحوظه كده .......
هم قوم قارون لما قالوا

" يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ "

قالوهاله في وشه ( وجهه) قدامه يعني ؟!!!!!!!!
حسب الأيه
انه .....وليس .....إنك
يعني قالوها من وراه
مش قدامه !!!!!!

حسب معلوماتي ان الحسد نوعين
الأول : حسد الحاقدين ؛ تمني زوال النعمه
الثاني : حسد الغبطه مثل قوم قارون
يا ريت عندنا زي قارون

الاستفسار بقى
مش عارفه
لما حد ولا حتى تعرفه يقول قدامك
بشمعنى انت عندك كده😳😳 و انا لأ !!!!!!!!!!
هو شخص من جيل ولادي .....شباب

ارد أقوله يمكن انت عندك كذا احسن مني
يقولي لا طبعا مهما اعمل مش هيبقى عندي
و كل ده بابتسامه
انتم عارفني مش باحب الخناقه
هو بس
ربنا قالنا حتى لو شفنا حاجتنا الشخصيه نقول
" ما شاء الله لا قوة إلا بالله "
و المثل بيقول
ما يحسد المال الا اصحابه

ما رأيكم ؟؟ هو ينفع كده
ينفع نبوظ كل الاخلاق و القيم
و كمان عيني عينك كده
هم بيفتكروا ان ربنا بيعطي شخص كل حاجه !!!!
مهو اكيد ناقصه حاجات
و ما ينفعش نشتكي للناس همومنا
لكن لازم نكون مؤمنين
ان ماحدش بياخد كل حاجه

ربنا ينير البصائر 👌👌👌
كمان الأيه كامله بتقول

"قَالَ الَّذِينَ يُرِيدُونَ الْحَيَاةَ الدُّنْيَا

يَا لَيْتَ لَنَا مِثْلَ مَا أُوتِيَ قَارُونُ

إِنَّهُ لَذُو حَظٍّ عَظِيمٍ "

ان اللي بيحسد ده كل هدفه الدنيا فقط لا غير

ربنا يجعلنا من اهل الآخره و لا ننسى نصيبنا من الدنيا و يقدرنا على كفاحها💪

و يمتعنا بالصحه و العافيه جميعا