أنا خير منه

انا أشتريت أحسن حاجه في السوق
انا جبت أحلى فستان
أنا عايزه ولادي أحسن ولاد في الدنيا
و غيرها و غيرها
و معموله أدعيه للفيس !!!!!!!!!!!!!
كلمات على لسانا و دايما بنقولها
اصلا هي كلام مش حقيقي
لإن إحنا ما شفناش الدنيا كلها
وكمان احنا مش أغنى ناس في العالم
كنت أفضل لو أخترنا أنسب الأشياء
و أكتر حاجات بتحقق لنا اهدافنا من شراها
ما بنسألش نفسنا احنا ليه عايزين أحلى الموجود ؟؟!!!!!!!
مع إن خير الأمور الوسط
ليه ما بنقتنعش الا بأعلى حاجه
ناسيين إن هيبقى معاها أقل حاجه في ناحيه تانيه
مهو أصل ربنا سبحانه و تعالى مش هيعطي واحد كل حاجه في كل ناحيه
و يسيب التاني أقل حاجه من كل ناحيه
صح ؟؟؟!!!!!!
و هو ده سبب كتابتي
بلاش نردد : #أنا_خير_منه
ولو حتى بيننا و بين نفسنا
أكيد عارفين مين قالها لربنا سبحانه و تعالى
و ما هي نهايته

"قَالَ أَنَا خَيْرٌ مِّنْهُ
خَلَقْتَنِي مِن نَّارٍ وَخَلَقْتَهُ مِن طِينٍ (12)سورة الأعراف
القائل هو إبليس 😳

الطموح شئ رائع لا جدال
لكن الرغبه في التعالي فوق الجميع هو ما أقصده
#انا_خير_منه

نقطه مهمه أخيره
لكل من ميزه الله بموهبه في ناحيه معينه
ل كي لا يحسده الآخر
عليه أن يزكي عنها
ومن ضمنها العلم
فبدل ما المتفوقين بالتعليم يحسدهم أقرانهم
المفروض يشرحوا لزملائهم ما غاب عنهم
كده هيدعولهم بالزياده بدل ما يتمنوا زوال نعمتهم