الصيف وصل و محتاجين مكيف

الصيف طلع ….كل سنه و حضراتكم طيبين
طبعا الدنيا حرررررررر
و الموقف محتاج لتكييف 👌
لكن للأسف مش معانا ثمن جهاز التكييف 🤔
و العمل 🤔
لقيت تاجر بيبيع الجهاز بالتقسيط
انما طبعا بسعر أعلى حبتين 🤔
اول حاجه جات في بالي ان التقسيط حلال
و كان فيه معاملات حلال ايام رسول الله صلى الله عليه و سلم اسمها : البيع بالآجل
ممتاز
عدينا أهم و أول عقبه الحمد لله ان التقسيط حلال لا يغضب الله
و هيخلي البيت جنه ما شاء الله 👌
لكن الجيران بيقولوا ان التقسيط أغلى من الكاش
طيب
هو انا معايا كاش 😳 يعني هيبقى فقر و عنطزه😬
كفايه اني مش معايا ثمنه و متمتعه به زيي زي اللي معاه
يبقى احمد ربنا و اجيبه بالتقسيط ولا لأ 🤔
علاوه على ان جهاز التكييف الجديد على بال ما أخلص الاقساط هيكون ثمنه زاد أكثر من فرق سعره الزائد عن الكاش 👌
يبقى ايه المشكله
روحت اشتريته بالتقسيط
و القسط سددته براحتي الحمد لله

ولو عملت كده مع جهاز منتج بقى، جهاز ممكن استخدمه و أصنع منه منتجات ابيعها كمان 😳
ده كده
يبقى انا اشتغلت
و انتجت
و سددت بإنتاجي اقساطي
و زادت عندي ارباح تأكلني الشهد 😳
يعني التقسيط ده كله فوايد ما شاء الله

ما رأيكم؟
كلامي صح ؟؟

اومال ليه بنعارض القروض التي نعمل بها مشروعاتنا
مصانعنا و مؤسساتنا
اللي بتشغل العاطلين
و بتسدد اقساطها و بيفيض كمان ؟؟
ليه عايزين دايما السمكه على الجاهز
و مش عايزين تتعلموا تصطادوااااااااااا

أديني بسطتهالكم اهه

طيب يا ست البيت
يا كل ست مدبره
كم مره عملتي جمعيه مع الجيران أو زميلات في الشغل علشان توفي بإلتزامات اسرتك؟!!!!!
قوليلي
هل فيه ست مننا ( من ابناء الطبقه المتوسطه) ما عملتش جمعيه تربي بيها ولادها
أزيدكم من الشعر بيت
المصريون اللي علموا الخلايجه موضوع الجمعيه دي
من اختراعنا

شوية تفكير بس يا مصريين
انتم مافيش احسن منكم فعلا بلا مبالغه
شوية تفكير في كلام اهل الشر
اللي عايزين يحرقوا بلدكم
عايزينها مولعه
خونه
كل حقدهم انهم ما باعوهاش…… و مالحقوش يقبضوا ثمنها علشان يحطوه في خزاينهم
و اهل غزه أهم
خير مثال
لبيع اهل الشر لشعوبهم و اوطانهم
نفكر بقى ….. قبل ما نحكم