اللي بيحصل دلوقتي عالساحه
ما هو سوى خناقه بين ٢ كانوا متزوجين
و إنفصلوا
بينهم أولاد
و فيه أهل زوجه و أهل زوج
العجيبه ان أهلها…… مش مقتنعين إن فيه أسباب تدعو للطلاق
و ليه بنتهم طلبت الطلاق
و ليه جوز بنتهم سمع كلامها….و رمى عليها….اليمين
لذلك
مواقفهم بتتغير ……مش بس كل يوم
دي بتتغير كل ساعه
أصله طلاق رجعي مش بائن
بمعنى
يقدر الزوج يرجعها في أي وقت
مش بعيد نلاقيه راح باس راسها
بل قدميها
و صالحها و رجعوا بيتهم
مش بعيد أي حاجه خالص
أما بقى اهل جوزها
ف دول ……شويه ييجوا معاه و يضربوها
و هوب
تلاقيهم بيطبطبوا عليها و يقولولها معلش ابننا تهور
و كانت ساعة شيطان
و احنا غلطانين لك
و لازم نصالحك احنا كمان
الست بقى بتعمل ايه في ذلك الوقت
اول ما جاتلها ورقتها
صُعِقت …..فدمرت الدنيا
و حلفت لتندمه على فعلته الشعناء
و فعلا رميتله حاجته بعد ما كسرتها و فتفتتها حتت حتت
و ماحدش يلومها
مهو المحبه تؤدي ل كده و أكتر كمان……
بعد كده
اهل جوزها أدبوها
راحت حالفه لهي قافله الشقه و ماحدش هيعتبها ……ولا هيشوف طرطوفه من ولاده
و كلنا دلوقتي
مسنتظرين…….
اهل جوزها هيعاملوها ازاي
يا ترى هيكسروا باب الشقه
و لا هياخدوها بالسياسه
و يطبطبوا عليها
و يطمنوها
انهم مالهمش غير بعض
و برضه هيصبروها
انها كانت ساعة شيطان
و انهم مالهمش الا بعض
و لازم كلهم يضحوا علشان العيال
أدينا قاعدين ………
نتفرج
على الساحه الطلاقيه………
هل ستظل طلاق رجعي
أم يخلصونا و يحولوها لطلاق بائن
فعلا
عالم هزلي
ليس فيه منطق
كل شئ - مهما عظم - قابل للتفاوض
حتى لو كان الثمن أرواح أُزْهِقت
و مش هترجع تاني
المهم أهل جوزها…..اللوبي إياه
يحقق غرضه
و يكسب القرشينات
مش مهم أي حاجه تانيه
أما البشر
فذلك أرخص ما يتم التضحيه به على عتبة….المال
تبا لها من جوازه
لا قيمة فيها سوى للماده
أما الروح
فسلاما عليها
لتعود في أمان إلى بارئها
2
-2
