الحياه، هل ذاكرنالها كويس ؟!!!

في زيارة إحدى قريباتي لفضيلة الشيخ الشعراوي في الثمانينات ،قال لها : اللي بيموت بيرتاح
و اللي بيبكي .....بيبكي على حاله 😢
فعلا
عليه رحمة الله فلقد أصاب .....كعادته
اكتر حاجه بتبكينا إننا اتحرمنا من هذا المتوفي ؛ حنانه أو حتى كلامه الجميل و ابتسامته التي كانت تبهجنا
و بقدر تأثيره في حياتنا .....بقدر غيابه ما هيؤثر فينا
بعدها بييجي سبب آخر لحزننا
إننا بنتخيل موقفنا لما نموت !!!!!
عندي إعتقاد إن ربنا لإنه بيحبنا بيجهزنا لهذا اليوم
بالذات لمن يحبهم
بيخلينا مراقبينه في افعالنا
قد إيه بتؤثر فيَٓ كلمة :
صلِ صلاة مودع
بتعمل ارتعاشه داخليه

بِتفٓوٓق
انها ممكن تكون آخر صلاه
لما بنتخيل اننا هنموت
بنلاقي ان اللي اتعمل .....إتعمل خلاص
مفيش وقت لحاجه سريعه
ف هو إسلوب حياه
إما أن يكون أسلوب عارفين ان ربنا شايفنا
او لا !!!!!!
اللي سموها : درجة الإحسان
أن تعبد الله كأنك تراه
فإن لم تكن تراه ......فإنه يراك
يتهيألي دي أساس الحياه اصلا
لو كنا بنعمل حساب إن ربنا مطلع علينا
يمكن أكثر من نصف أخطائنا ما كنتش حصلت
معلش
الصراحه واجبه بالذات مع نفسنا
الوقت أزِف
على الأقل
ما فاضلش في العمر قد ما مضى
احنا في العد التنازلي :))))))
صحيح أكبر معمر ٢٤٥ سنه ......لكنهم معدودين
بالأمل نحيا
محدش هيسيب دقيقه من عمره
كلنا هنعيشها
المهم ازاي نعيشها
هنعمل فيها ايه
ذاكرنالها كويس :))))
مهي دي اللغه التي نستوعبها :)) كل حياتنا
الكلام محتاج نفكر فيه
زي ما بنعمل حساب كلام الناس
لازم نستشعر
لازم نعمل حساب ان ربنا شايفنا و مُطٓلِع علينا
حاسبوا انفسكم قبل أن تحاسبوا
بس يا ربي انا عارفه انك الرحمن و ليس فقط الرحيم
الرحمن صفه خاصه بالله فقط لا يشاركه فيها احد
هي من الرحمه ايضا
انا متأكده انك هترحمنا لما نرجعلك
هترحم ضعفنا امامك انت القوي
انت عارف اننا بشر خطاؤون
تبنا اليك يارب
و رجعنا إليك
و ندمنا على ما فعلنا
و عزمنا على طاعتك
انت قلت مادمنا لا نشرك بك أحد
هتسامحنا
اللهم اعنا على ذكرك
و شكرك
و حسن عبادتك
كل واحد بطريقته يعبدك
يا حبيبي يا رب العالمين
يا سر الروح
أحلى حاجه فينا كلنا ❤️💚💙💜💛❤️💛💚💙💜❤️💛💚💙💜