الحمد لله
ربنا أكرمنا و الشتا عدى بدون ما شوارعنا تغرق
الحمد لله
نفسي بقى التايم لاين يبقى فيه شكر لله على نعمه علينا
شكر لله على بنيتنا التحتيه اللي تطورت و أصبحت تتحمل الظروف المناخيه
نفسي كما ننتقد أحوالنا ليل نهار ……نشكر ربنا برضه ليل نهار
عارفه سلبياتنا كويس جدا
و أنا بشر و أعاني كما كلنا بنعاني
لكن مش عايزين نبقى الإنسان الكنود
الذي يذكر الإبتلاءات…..و ينسى النعم
هل فيه نعمه أكبر من نعمة الأمن و الأمان؟
قاعدين في بيوتنا بفضل الله سبحانه و تعالى
مافيش حد بيهددنا
ولا فيه ضرب نار في شوارعنا مثل حالنا سنة ٢٠١٣
الإرهاب يكاد يكون صفر ٪؜ بفضل الله
أبطال وزارة الداخليه مأمنين محافظتنا بفضل الله
و أبطال وزارة الدفاع مأمنين حدودنا الخارجيه بفضل الله
و هاتان من أكبر النعم التي نحن مغمورين فيها
فأهالينا في غزه كانوا ناس موسره جدا …..انما أبتليوا بأفظع الإبتلاءات
لإن ماعندهمش جيش يحافظ عليهم
نسأل كده أي واحد فيهم
هل تقبل الكهرباء تتقطع ساعتين يوميا
و ترجع لبيتك بتاع زمان 😳
أظن الإجابه معروفه
يبقى ننظر لمن هو دوننا👍
شوفوا
مش هأدخل في تفاصيل سياسيه
مافيش وضع ما فيهوش مميزات و عيوب
كل وضع لازم عنده سلبيات
انما فيه عيوب جوهريه….وعيوب كل العالم بيعاني منها
الغلاء على العالم كله……هذا قدر
لكن ايوه السياسه إختيارات انا عارفه
انما لما تخيرني بين نظام بيؤمن لي حياتي مع شوية عيوب
و بين نظام هيسرق مني حياتي كلها و يجعلني مثل إنسان الغاب
يبقى هأختار تأمين حياتي مع شوية عيوب
طبعا اتمنى الوزاره تتغير
و اللي مش عارفين يأمنوا لنا الكهرباء يتشالوا و ييجي أحسن منهم يعرفوا يرجعوا لنا الكهرباء
طبعا اتمنى
مش هأكذب
لكن هي دي الحياه
اختياراتها صعبه
انما لو حتى اتقطعت الكهرباء أكثر من كده
و أفضل في بيتي
هاختار الأمن و الأمان طبعا
لإن بلدي مش هتبيعني كما باعت حكومة حماس غزه
بلدي مهما غلطت في نظر البعض
فهي كانت تحاول و لابد ان تحاول أكثر و أكثر و أكثر
انما بلدي وفيه لم تبع ( تبيع) شعبها
بلدي بتحب شعبها و محافظه على أرضنا و حدودها
بلدي قويه قدام أي عدو
بلدي لها هيبتها
بلدي مصر
تحيامصر

أموت أعيش
ما يهمنيش
و كفايه أشوف علم مصر باقي

تحيامصر بشعبها و جيشها و رئيسها السيسي
الذي قدر يحافظ عليها و على حدودها و على كرامة شعبها
و حمل رأسه على كفه
و تصدى لكل قوي الإرهاب
و دي ميزه لا يضاهيها ميزه تانيه
معلش يعني
هي دي أولوياتنا
نستحمل شويه أو شويتين أو أكثر
انما واحنا معززين مكرمين جوه بيوتنا في بلادنا
مش مشردين …..والعياذ بالله
الحمد لله على نعمه العديده…..الحمد لله
#تحيامصر