#الغباء_الإجتماعي
الغباء مثله
مثل الذكاء……نوعان
منه المتعلق بالمواد العلميه و القدره على الإستيعاب و بالتالي الحصول على معدلات علميه عاليه في أختبارات مستوى الذكاء IQ
و النوع الآخر
هو القدره على فهم المجتمع اللي حوالينا
و كيفية التعامل معه
لذلك
نجد معظم الأذكياء علمياً
أغبياء إجتماعياً 😳
أيوه 👍
لإن الأذكياء علميا بيعتمدوا على المنطق و تحليل الأمور و الإستنتاج
لكن المجتمع ينجح فيه أكثر …….الفهلوي 😂🤣
اللي ماعندهوش أي منطق أو برهان
اللي لازم بيجبرك تنفذ ما تريده و انت ساكت

و الغبي إجتماعيا
مش بيعرف يتعامل بالفهلوه إياها رغم انه ذكي علميا
كمان الغبي اجتماعياً فيه صفه غريبه جداااااااااا

لا يفهم الا ……..باللكميه 🤛
يفضل الناس يحذروه من الأشخاص السيئين التي يتعامل معهم 🙄
و هو غباؤه مصورله انهم كويسين 🙄
فهو
كل الناس حلوين ……..في عينيه حلوين
طول ما عنيه شايفه الدنيا ……..بالحب
هوووووووب
لغاية الناس السيئين ما يدوله لكميه😩
ساعتها فقط ……..بيفوووووووق
و يتأكد ان الناس فعلا سيئين 😬

تعالوا بقى ل حل وسط
يا أصحاب الغباء الإجتماعي
استفيدوا بخبرة الناس السابقه
و خليكم حذرين
احتفظوا بمسافه بينكم و بين الأخر
كلما كان التعامل سطحي مع الأخر
تبقى الأمور 💯💯 و زي الفل
بلاش تعمقوا علاقتكم معاهم
طبعا
نعمل الخير طول ما ربنا مقدرنا عليه
نعمله بنية رضا المولى سبحانه و تعالى
و لا ننتظر رد من نفس الأشخاص اللي عملنا لهم الخير اطلاقاً😳
ربنا
اللي عملنا له الخير
هو وحده
اللي هيرزقنا بناس تانيه خالص
ترد لنا ذلك الخير🙏
ايوه
هي دي معنى #البر_لا_يبلى
اما الناس اياها
فلا تستبعدوا منهم الأذيه 😳
للأسف
مش عايزه اقولكم لازم تعملوا الخير في أهله
علشان فيه ناس ايمانها بيطوع لها عمل الخير في غير أهله
و بتتحمل الجحود
لذلك
سأذكركم بمقوله لمصطفى أو على أمين رحمهما الله
من يفعل الخير مثله كمثل من يسير حاملا بذور ورد و فل و ياسمين ينثرها وراءه
ولا يلتفت
هل طرحت أم لا