البلد ذكيه و بتتعلم

إحترت ب ماذا أبدأ منشوري هذا
هل أبدأه بال advantage و الdisadvantage لكل حاجه بتحصلنا في الدنيا
لإن مافيش حاجه ب نمر بها
إلا و يبقى لها عيوب و مميزات
مهما كانت كمية العيوب الطافيه على السطح أمامنا
أم أبدأ المنشور ب خبرة العقود المتراكمه من الزمن 🤔
ولا
أقلد كتاب الله سبحانه و تعالى في ضرب الأمثال للناس
لعلهم يتفكرون 🤔
و أكيد أقوى شئ هو القرآن الكريم👌

ياترى كم واحد مننا يعرف صورة هذا العالم الفاضل ؟
بالنسبه لي
أول مره أرى صورته 😳 حقيقي
انما بمجرد ما كلنا هنقرأ أسماء كتبه و مؤلفاته
أكيد معظمنا هيعرف هو مين 💪
هذا الشيخ الفقيه….برضه مش هأقول اسمه 😂 إتصلت به هاتفيا أسأله عن حكم معين في موضوع الحج حوالي عام ١٩٩٤
و دار بيننا ملخص الحوار التالي
= أنا: السلام عليكم، حضرتك فضيلة الشيخ فلان
- فضيلته: نعم
=أنا: ممكن آخذ من وقت فضيلتك خمس دقائق؟
-فضيلته: إتفضلي
= أنا ……..سألته السؤال بخصوص الحج المقرن
- فضيلته: أفادني جزاه الله كل خير
=ممكن فضيلتك أعرف من سعادتك الدليل من القرآن الكريم
-فضيلته: ذكر لي الأيه الكريمه الداله على ما أفتى به ( بكل هدوء)
= أنا : عاجزه عن الشكر فضيلتك ، جزاكم الله كل خير
- فضيلته: لكن انت ما اخذتيش خمس دقائق 😂

طبعا كنت ممنونه جدا لإنه أتاح لي فرصة التعلم منه عن يقين بدون ما يتهمني اني مش واثقه في فتواه فهكذا يكون العلماء و صبرهم الصادر من ثقتهم بأنفسهم رحمة الله عليه، علاوه على تخفيفه لخجلي من اقتحام حياته بالمزاح المحترم …..الله يجعله في ميزان حسناته و ينفعنا به و بعلمه
تصدقوا
أن فضيلة الشيخ العلامه مؤلف كتاب فقه السنه السهل كمرجع لأي بيت ( و حاليا بالنت أيضا تجدوه)في معظم أمور حياتنا
لم يحصل على الدكتوراه 😳
أظن كده القارئ عرف سبب المنشور
انما طبعا سيرد عليَ احدهم و يقولي
اوك
لكن ما يقولش انه دكتور……
فعلا عندكم حق
لإنكم لم تبحثوا عن جامعات تتعلموا منها عن بعدon line
محسوبتكم
طالما بحثت عن تلك الجامعات
لإن غربتي منعتني قوانينها اني أقدر انزل أسجل دكتوراه في مصر أو حتى اني أسافر في الخارج
و لإن والدي عليه رحمة الله مثلي الأعلى و قدوتي ما فتئ يحلم بالدكتوراه إلى ان نالها وهو على مشارف عقده الخامس
فلقد كنت آمله في ذلك
فبحثت عن دكتوراه أون لاين on line
و فعلا
وجدت دكتوراه في جامعات …..البلد اياها …..تعطيك الدكتوراه مقابل خبرتك العمليه لعدد سنوات معينه هي تحددها
الا إن البلد الخليجيه التي كنت أعمل بها كانت لا تعترف بهذه الجامعه
لذلك
لم أقدم عليها
هذا ثاني هام

أما ثالث هام
فعندك بقى قيمة الخبره في مجال عملك 🤔
فعلا ، الخبره وقدرتك على حل المشاكل على أرض الواقع قد تفوق رسائل الدكتوراه على الورق
يعرف ذلك كل انسان مارس مهنته و حل كل عقباتها
فالدراسه الاكاديميه غير الشغل العملي التطبيقي
بل ربما يتفوق أصحاب الخبره على الأكاديميين في كثير من الأحوال

أما رابع هام بقى
فهو مميزات هذا الموقف الذي نحن بصدده
من غير مسميات…..الله يهديكم 😬 خلينا دبلوماسيين
و مانحطش نفسنا أصلا في مشكله 😬😳
واخد بالك ……يا إبراهيم 😂🤣
ما علينا
هذا الموقف الذي نحن بصدده من مميزاته
- إنه أظهر مدى دقة المتربصين
" لا تحسبوه شر لكم
بل هو خير "🤔
- أظهر للكل ان المسؤل عن الإختيار لا بد من المراجعه وراءه….فهو لا يُعتمد عليه…..و كان المفروض نستفيد من تجربة خطأ اختيار ناس قبل كده….ربنا كشفهم على الملأ
- و كمان ما ينفعش حكاية قرايب ناس دي خالص
احنا محتاجين لأعلى كفاءه 😳
- إما بقى حكاية الملكيات الخاصه دي
فأكبر مصدر للقلق بصراحه 😩😩😩

على فكره …..أنا فاهم…..بس مدكن( الليه يرحمك يا سعيد يا صالح)
الشعب المصري ذكي جداااااااااااااا
و بيفهمها و هي طايره
كل النقطه في الأولويات
على رأي السادات بصراحه برضه الله يرحمه
كان بيقول
ربما يأتي يوما
نجلس فيه سويا
و نحكي حكاياتنا 😂🤣
و دور كل واحد فيها

احنا لا نطبل اطلاقا بتاتا البته
احنا فقط عندنا أولويات
اهم حاجه عندنا ان البلد محفوظه بفضل الله ثم ريسنا السيسي الصادق الأمين الله يحفظه لمصر
فلولا حفظه للبلد
لما جاء يومنا هذا
و اعترضنا
و كتبنا
لإن الرصاص لما كان تحت بيتي في أسود عام في تاريخ مصر٢٠١٣
أسود من يوم النكسه
الرصاص لما كان تحت بيتي ما كانش فيه في دماغي غير الرعب وليس الخوف فقط
بل الرعب على …..بذورتي ( أولادي بالخليجي )
و لا كنا نقدر نكتب و نحكي كده

فميزة الأمن و الأمان
لا يضاهيها ميزه
و لله المثل الأعلى
فمن شهد بدر لا يضره ما فعل بعدها🤔
كمان
ريسنا افضل ريس مسكها و طورها و حدثها منذ ١٩٥٢ كلمة حق ولازم نقولها
حافظ عليها و حفظها بفضل الله ثم تميزه 💪💪💪

غير كده
أدينا بنعافر
انما بصراحه الخوف كل الخوف مش لمن عمل دكتوراه أون لاين
المشكله في شائعات واحد تاني
فيه اشاعات بتشكك في شخصيته
بدون ذكر اسماء …..يا ابراهيم😬😳
هو ده اللي عايزين حد يخرج يقول عنه الحقيقه
و تاني هنقول
" لا تحسبوه شر لكم
بل هو خير"
و الشاطر اللي يتعلم حتى من اخطائه
و البلد ذكيه جدا و هتتعلم 💪💪💪
#تحيامصر
#تحيامصر
#تحيامصر