الباب يعدي الجمل

لن أتكلم عن المسمى بالمؤتمر الإسلامي

و لا من أنشأه

و لا الهدف من إنشائه

و لا أي تعليق

رسالتي فقط

لمن ينادي بالجهاد

اتفضل حضرتك جاهد

و اتمنى لك أن تنال الشهاده

و تكون من الأحياء عند ربهم يرزقون

و أكيد تعرف أن السفر للبنان لا يحتاج تأشيره

السفر ل لبنان سهل جدا

اتفضلوا كلكم سافروا تحاربوا و تنولوا الشهاده

ماحدش هيحوشكم اطلاقا

ده انتم زمان أصلا سافرتم للجهاد في أفغانستان

هتيجي على سفريه قريبه لغاية جيراننا

اتفضلوا جاهدوا و نولوا الشهاده كما تحلمون 

ربنا يوفقكم

و لو كان الجهاد فريضه عليَ و انا من الإسكندريه

ل كنت جاهدت

فالجهاد يكون فريضه إذا كان المحتل على بعد ٨٠ كم من موطن المسلم

أبعد من كده

لا يكون الجهاد فريضه

و مع ذلك

من يتمنى نيل الشهاده يتفضل يسافر لبنان ينولها من هناك

هي دي آخرك

انما تتكلم عن بلد زي مصر العظيمه

ساعتها فقط هقولك stop

اتكلم على قدك

و اتحكم في نفسك فقط

انما تتحكم في دوله بقوة مصر……. No

حدودك ….نفسك تتحكم فيها

أكتر من كده لا يخصك

أما بقى اللي لسه عايشين في مية الطرشي بتاعة القوميه العربيه

فأحب اقوله

لو كان رائد القوميه العربيه عاش لما شاف

دم ولادنا بيرفع سعر البترول كما ارتفع بعد نصر أكتوبر ٧٣

و اللي حصلت لهم الطفره …..كما يسمونها من لديهم كل هذه العنصريه ضد من هم تسببوا في ثروتهم

كان زمانه عرف ان شعاراته التي نشرها لا تتعدى الحناجر

كلها …..طق حنك…..كما يقولونها

كفايه حنجوريات بقى

فلقتونا

انزلوا لأرض الواقع

و اتعظوا من الماضي لتتعلموا كيف تقودون المستقبل

من كنا نصرف على تعليمهم و ثقافتهم

صاروا هم القواعد الأجنبيه لضربنا

انتم فين عيونكم و آذانكم

فين كل حواسكم علشان تفهموا و تدركوا معنى ما تتلفظه ألسنتكم

انتم عايزنا ندخل اهل حماس لسينا

فتضرب حماس الكيان من سينا

فيضرب الكيان سينا

و هكذا دواليك

يتم محاولة اقتحام سينا من الكيان و قواعده المحيطه بنا من كل جانب!!!!!!!

وكل المشاريع التي صنعناها تتدمر !!!!!!!!!!!!

"مالكم كيف تحكمون"سورة الصافات

هي كلمه واحده

اللي عايز يجاهد

لبنان موجوده و السفر لها بدون تأشيره

ديتها

تذكرة الطيران

انما مصر لأ

مصر ملتزمه بمعاهدة سلام بينها و بين الجيران

و لا تستطيع نقض المعاهده

اذا الكيان نقضها…..هو حر هنعرف نرد عليه كويس

و لإنه عارف قوة مصر

مش هينقض المعاهده

ف إتفضلوا اسمعوا كلام المؤتمر الصهيو اسلامي

و اتفضلوا حلوا عن سمانا

و اتفضلوا جاهدوا

الباب يعدي الجمل

تحيامصر

تحيامصر

تحيامصر