جيلنا….معظمه إن لم يكن كله
اتعلم سمو العاطفه….من فن جيلنا
و بالذات كلمات رددها العندليب
زرعت فينا الموده ….النظيفه
بدون كلمات خادشه للحياء…..إلا قليلا
أكيد كان فيه بعض التجاوزات…..انما في حدود ايضا
كنا حافظين أغانيه قبل ما يحرموها علينا …..دوكهم
و بعدها لقينا أراء فقهيه تنافي ذلك ….لمن أمن الفتنه
عموما مش موضوعنا 😂
المهم
عبدالحليم كان فنان special غير كل جيله
مع الإحتفاظ برضه لفريد الأطرش بتفرده 👌
فكلاهما قمه محتفظه بتفردها

اللي زعلني
اني سمعت ان العندليب كان مصمم يغني أغاني شعبيه ينافس بها مغنيي جيله 😳
مع إنهم ما كانوش يقدروا يغنوا أغانيه العاطفيه …..
نظرا لطبقات صوتهم التي لا تصل لطبقات صوت عبدالحليم

مش عارفه ليه كل انسان
بيبقى عايز يقهر كل الناس

ليه مش بيكتفي بتميزه في ناحيه خاصه به

ليه عايز ينافس الناس الأقل حظا منه 🤔

مش عارفه ليه كمية حب الذات دي

ليه كل واحد عايز يبقى أحسن واحد في كل حاجه
ليه لا يرأف بعضنا ببعض 🥲

ليه ما نسيبش اللي قدامنا يفرح بتميزه عنا…….

هل تفكيري هو اللي غريب
أم إن حب الذات بهذه البشاعه هو العادي 😳

نعيش
و نسيب غيرنا يعيش
في الأرض متسع للجميع
لأ

ليه عايزين أحسن حاجه
ليه عايزين نبقى أحسن من فلانه أو علانه
ليه مش بندور على احتياجنا فقط….و نسعى لتحقيقه
ليه نعذب نفسنا بمقارنتها بغيرها……
ليه نؤجج صدورنا ب نار الغيره من غيرنا

اكيد ربنا بيوزع عطاياه متساويه على مخلوقاته
ليه مش سايبين الناس في حالها
هو احنا مطلعين ربنا أخد منهم ايه ….لما أعطاهم ما يظهر أمامنا
الحقيقه
محتاجين نحاول نرضى بنصيبنا
الرضا
محتاجين نقلل الغيره شويه
لإنها أول ما تحرق
هتحرق أصحابها

"وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا
لِنَفْتِنَهُمْ فِيهِ
وَرِزْقُ رَبِّكَ خَيْرٌ وَأَبْقَى"
سورة طه

طموح ايوه أوك
لكن غيره و مكائد …..لأ
طيب
إزاي نرضى يا رب 🤲

"فَاصْبِرْ عَلَى مَا يَقُولُونَ
وَسَبِّحْ بِحَمْدِ رَبِّكَ
قَبْلَ طُلُوعِ الشَّمْسِ
وَقَبْلَ غُرُوبِهَا
وَمِنْ آنَاء اللَّيْلِ فَسَبِّحْ
وَأَطْرَافَ النَّهَارِ

لَعَلَّكَ تَرْضَى" سورة طه

مش دروشه
انما علاج لكل قلب أُبتلي بالغيره
*الصبر …..و يتضمن كل شئ طموح بهدوء
**و التسبيح بحمد الله على ما وهبنا من نعم

نرحم المجتمع من كمية الغيره التي ممكن تحطمه و العياذ بالله

نهاركم صبر وطموح وتسبيح و رضا