أهو عزاء ؟…… أم ماذا 🤔

أهو عزاء …..أم ماذا ؟!!!

إصطحبتني أختي لتقديم واجب العزاء في زوج إحدى زميلاتها بالعمل
نفضل التعزيه ثالث يوم حتى تكون الدموع قد نضبت من المقلتين
قالت الأرمله الأربعينيه أمام الكل …….
عمره ما قالي عنده إيه و لا بيقيض كم
عمره ما حكالي أسراره
عمره ما فضفض معايا بإخفقاته

عمره ما قالي نفسي أسعدك
كان دايما صامت
كان عصبي جدا
عمره ما قالي كلام يخلي القلب يدق
و طبعا عندهم ذريه 😊
خرجنا من العزاء أنا و أختي مذهولتين
هل كان عزاءاً أم محضر شكوى 🤔
هي لم تكن سعيده بوفاته للحقيقه
إنما لسان حالها كان يقول
الحمد لله إني خلصت منه 😞

مش عايزين العشره يبقى حصيلتها كده يا أهل الدنيا

ما ينفعش يبقى عندنا مقومات السعاده……ولا نستخدمها

الذكاء هو القدره على التكيف
اوك ، نحسب المميزات و العيوب
فالكمال لله وحده و كلنا مفعمين بالعيوب
إذا كرهنا خُلُق….رضينا بآخر
أوك …..نحسبها
لكن اذا كانت المميزات أكتر
يبقى لازم نتغاضى عن العيوب
ياريت كل مده كده
نتمشى مع شركاء حياتنا لوحدنا
نتفاهم ……ممكن نسعد بعض إزاي🤔
ليس فقط من أجل ولادنا
بل من أجلنا أولاااااااااا
إذا صرنا سعداء
أكيد سنسعد أولادنا
أهم فائده للإسره …..الإستقرار
شئ لا يُقدر بمال

عايزين عزاءنا يبقى …….أفضل من عزاء زوج صاحبة أختي
مش عايزين لسان حالنا يقول
أفتكرلك إيه يا بصله ……🤔