عايزين تفهموني إني لما أكل بطه……هأدخل النار 😳🙃

كان بيبقى يوم جميييييييل
و انا واقفه في بلكونة بيت جدي
و جدتي بتسأل طفل فقير في الشارع
هتاكلوا ايه اليوم ؟!!!
فيرد بفخر و تباهي……أمي دبحت بطه 💪💪💪

الجماعه إياهم بقى
عايزين يقنعوني ان هذا الطفل و مامته و عائلته…..
ربنا سبحانه ……هيحرقهم😳 علشان أكلوا هذه البطه 😳
طيب تدخل العقل إزاي 😩
هل اكل البط حرااااااااااام يا عالم يا هووووووه
خلينا جهلاء على قدنا كده ناخدها واحده واحده
ما هم بيستندوا للحديث الشريف ما معناه

كل محدثة بدعه
و كل بدعه ضلاله
و كل ضلاله في النار

و عايزين بقى يقنعونا احنا الشعب المصري إن أكل البط يوم مولد الحبيب ……هيدخلنا الناااااااار يا عالم يا هووووووه

طيب هو ايه معنى كلمة محدثه دي؟؟
و الكلمه دي جاءت أيضا في سياق حديث نبوي آخر ما معناه

من أحدث في أمرنا ماليس فيه
فهو رد

إذاً كلمة الإحداث المقصود منها الشئ المستجد
طيب هذا المستجد له مواصفات ؟ ولا المقصود به أي تطوير علمي؟
يعني هل مثلا ركوب العربيه حرام ؟!!!! ولازم نركب الناقه 😳
لأ طبعا
المقصود من الإحداث انه يكون شئ مستجد في أمور العبادات
زي ما يطلع علينا طالع يقولنا الصلوات هتكون ٦ مثلا
و لا الصيام هيكون شهرين
ولا الحج هيكون في رجب مثلاً😳🙃
هي دي الشئ المستحدث الحراااااااام و يدخل النار
يبقى المحدث المبتدع ده لازم يكون في مناسك الدين
مش في حاجه تانيه
يعني لازم نشغل عقلنا
نشوف هل ما إستجددناه ده
١- ربنا نهى عنه في القرآن الكريم ؟
٢- هل رسوله صلى الله عليه و سلم ابلغنا انه شئ مكروه ؟
٣- طيب حتى الفقهاء بإختلاف آرائهم قالوا إن أكل البط غير مستحب ؟😩

طيب أزيدكم من الشعر بيت
سيدنا عمربن الخطاب حينما احدث الجماعه في صلاة التراويح ……قال عنها ؛ نعم البدعه هي 🤔
و أعتبره الفقهاء ضمن من سن سُنه حسنه في الدين 💪💪💪 له أجره و أجر من نفذها…..استنادا لحديث نبوي أيضاً
هذا لإنه كان إنسان مفكر
مش عقله بينقاد للآخر بدون تفكير!!!!!!!!!

اللي يقولنا الإحتفال بيوم مولد سيدنا و حبيبنا المصطفى صلى الله عليه و سلم هيدخلنا النار
هنقوله……اللي بتتبعهم خلاص ….أعلنوا توبتهم…..روح اتبعهم و توب مثلهم
و أصلا
لم اكتب عنهم قبل ما أصلي و أسلم على رسولنا صلى الله عليه و سلم يوم مولده
لم أكتب عنهم قبل ما أصل رحمي في هذا اليوم الغالي
لم أكتب عنهم قبل ما أذكر الله يوم مولده الهادي الأمين
لم أكتب عنهم قبل تنفيذ أمر الله في الآيه الكريمه من سورة إبراهيم
" و ذكرهم بأيام الله "
حيث قال طه عن يوم الإثنين ؛ هذا يوم وُلِدت فيه في حديث بصحيح مسلم
لم أكتب عنهم حتى لا أضيع زهوة يوم جميييييييييل
إمتلأ به ال timeline بالصلاة و السلام على نبينا محمد صلى الله عليه و سلم طاعة لأمر الله للذين آمنوا
" يا أيها الذين آمنوا
صلوا عليه و سلموا تسليما"سورة الأحزاب

و كلمه أخيره بأقول لمن يريد أن يشد علينا ديننا
اللهم أشدد عليهم 🤲كما نفروا الناس من الدين
هناكل بط يوم مولد النبي
و هنجيب عروسه و حصان لولادنا
و حلاوة المولد كمان
#لقد_هرمناااااااااا……..#كفايه_بقى_فلقتوناااااااااااا