افتراءات في الدين

شاب نشأ في طاعة الله

واحد من السبعه الذين سيظلهم الله ب ظله

يوم لا ظل إلا ظِله

( اللي عايز يعرف ال ٦ الباقيين يمكنه البحث في جوجل .....معلش نتعب شويه ????)

لما بافكر فيها دلوقتي بعد ما بقيت من جيل الشباب الحديث التعريف????????

توصلت لوجهة نظر جديده

هذا الذي نشأ في طاعة الله منذ شبابه

تعمق في الدين

لم يعد ينظر إليه ب سطحيه

بدأ يعمل retrograde study

لما نيجي نطبق دي في موضوع معين 

مثلا 

نظرة ديننا الحنيف للمرأه .......

اليوم خطبة الجمعه بمصر كلها كانت عن الأسره و ارتباطها

الشيخ قال شوية احاديث بتتكلم عن المرأه ثم العبيد

ذكرتني برضه بحديث بيتقولوه على نبينا العظيم بيتكلم عن المرأه ثم أحد الحيوانات ( بدون ذكر إسمه )

ال retrograde study بقى اشتغلت

هم منين جابوا الإفترآت دي على حبيبنا رسول الله صلى الله عليه و سلم

منين و زوجاته عمرهم ما رووا عنه الا كل خير

لما السيده عائشه رضي الله عنها تذكر انها كنت بتبقى نايمه امامه و هو بيصلي و لإن غرفتهم كانت ضيقه كانت كل ما يسجد تثني ركبتها علشان يلاقي مكان يسجد فيه

يبقى ازاي فقهاء يقولوا ما ينفعش امرأه او ................حيوان يمروا امامه

منين جابوا هذه الإفترآت عليها؟!!!!!!!!

*لما ييجي سيدنا ابو بكر يصالحهم

تقوم السيده عائشه تقول لنبينا محمد صلى الله عليه و سلم

احكي و لا تقل إلا حقا ????

يقوم باباها ابو بكر يصفعها بالألم تروح محتميه بزوجها من ابيها

يروح النبي قايله : ما لهذا دعوناك يا ابا بكر ????????

*لما يشيلها على ظهره علشان يمتعها بمشاهدة الأحباش وهو يلعبون في المسجد

و كل شويه يقولها شبعتي ؟!!

تقوله : لا

و تروي لنا : حتى اعرف منزلتي عنده ...( من الدلع )...

*لما يجري معاها يسابقها ....و عدة مرات كمان

لما و لما و لما .....

احاديث كثيره تؤكد لنا معاملته الراقيه مع زوجاته و أخذ أرائهم و العمل بها بعد صلح الحديبيه

و نلاقي القرآن بيقول إن المؤمنين و المؤمنات و الصادقين و الصادقات ....

كلها تعبر عن المساواه

و نلاقي حضرة الشيخ بيتكلم و يذكر المرأه و بعدها العبيد ????

يبقى هذا تجديد الخطاب الديني

و لا تدعيش الخطاب الديني

للأسف أصبحنا في عصر دين داعش و ليس دين الإسلام

و للحديث بقيه