قلبي ينفطر وجعا على والدتك يا قاتل فتاة المنصورة ، والدتك التي افنت عمرها في تربية أيتام وكلهم متفوقين دراسيا بنتين كليه علوم وبيحضروا دراسات عليا ويشهد الجميع بأخلاقهم وولد الأول على دفعته كل سنه كان شاب مثالي لكن وللأسف مش بس التربيه المثاليه اللي هتحمي أولادنا لابد من قدر من الدعم النفسي ودعم الثقه بالنفس وتربيته على الحلول البديله عند تعرضه للازمات بشتى أنواعها بإختصار نحن أمام شخصيه أكاديميه بحته تركيزها دراسي لما تخالط أصناف البشر ولم تحسن التعامل مع كافة أطيافه لما تكون صحبته سيئه بالشكل ده وهو انطوائي يتيم الأب منذ نعومة اظافره ولايخالط الرجال ولم يأخذ الجرأه والثقه من مخالطتهم أصبح هش ضعيف إحساسه برجولته غائب ومادعم هذا الإحساس بالنقص تنمر أصدقاء السوء  لحد إمتى هنعاير الناس بصفاتها الحلوه ونحاربها لحد إمتى هنحسس الطيب إنه اهطل وضعيف إحنا نستحق كل حاجه بتحصل لنا إحنا بنحارب كل شخص صالح لحد مايفسد ونرجع نندب ونستنكر اللي حصل وهيحصل كل شخص استهزاء بمشاعره واغتاله معنويا وقلل من رجولته قتله قبل مايحوله لمجرم يقدم على فعل بالبشاعه دي اتقوا الله في أصدقائكم وزملائكم واهاليكم وانفسكم أسرتين اتدمروا بسبب عيال صايعه طايشه منحرفه أخلاقيا وسلوكيا وحقدهم وغيرتهم دمرت ولد متفوق دراسيا يتيم الأب ومن ضعفه انحرف عشان يثبت للجميع إنه جامد ومفتري ومش اهطل زي ماقالوا عليه ليس مبرر لجريمته لكن محاوله للوصول للأسباب التي دفعت عقله لتبرير فعله الاتنين ضحايا صحبه فاسده وتربيه هاشه وربنا يلطف بينا