رولا خرسا انقذتنى
الطبق الطائر

((فى البداية أقسم بالله أن ما حدث معى هذا حقيقى))
بمناسبه حوار الاطباق الطائرة تذكرت موقف حدث معى منذ سنوات ..
كان هذا اليوم سوف يحضر أيهود براك رئيس وزراء أسرائيل لزيارة مصر لأول مره ..
كنت حينها فى منزل امامه متسع كبير جدا و أرى منه شروق الشمس .. و كنت داخله البلكونه بعد الشروق مباشرةً .. و فجأه رأيت شئ جعلنى اتحجر فى مكانى ..
رأيت جسم كالطائرة و لكنه مختلف .. فشكله دائرى و لونه فضى و يصعد للأعلى بشكل رأسى .. و لا يسير بخط أفقى كالطائرة ..
و من الأسفل له أضواء بيضاء قويه جدا جدا ..
تسمرت فى مكانى من الذهول الى ان اختفى هذا الجسم الغريب ..
و وقفت لحظه مش عارفة اعمل ايه ؟
و طبعا جريت على التليفون لاتصل بأخى .. فهو منقذى فى الأزمات .. و فضلت ارن على التليفون الأرضى كثير جدا و انا فى حالة هلع ..
صحيته من النوم طبعا .. و قلتله على اللى شفته ..
فقال :
* روحى نامى يا حبيبتى و اتغطى كويس ..

فقلت
* اقسم بالله انا صاحية و شفت بنفسى المنظر ده حالا ????

المهم طبعا قعدت كام يوم واخده "الترند" فى العائله كلها ????

الى ان اتت ساعه الصفر و انقذتنى المذيعة رولا خرسا فى حلقه من برنامجها الاسبوعى فى تلك الفتره .. و الحلقة كانت عن بلاغات متعدده لاقسام البوليس فى هذا اليوم بالتحديد .. من اشخاص مختلفين فى اماكن متفرقه على مستوى الجمهورية .. يبلغون انهم شاهدوا طبق طائر .. الشئ المشترك بين الجميع .. انهم فى اماكن مفتوحه لمساحات كبيرة ..

و الحمد لله رولا خرسا بدون قصد ردت لى اعتبارى .. و طبعا اللى عملونى ترند انقلب عليهم سحرهم ????

* ظهور هذا الطبق الطائر فى يوم زيارة هذا الشخص لمصر .. يفسر أمر هذه الاطباق الطائرة ..
فاعتقد انها متعلقه بالتجسس او التأمين او شئ من هذا القبيل .. و الله أعلم

نهله احمد حسن