حج مبرور

حج مبرور و ذنب مغفور  حبيبتى ..

٢٧ مايو ٢٠٢٣
رن الموبايل
* الو ..
. صباح الخير استاذة نهلة
* صباح النور
. حجيتى والا عايزه تحجى ؟
* انا حجيت الحمد لله
. اصل جالنا تأشيرة واحده فقط من  (**)
عندك حد يحب يحج ؟

فقلت للمتحدث اعطنى مهلة دقائق و سأرد عليك ..
اغلقت المكالمة معه ..
و حاولت الاتصال بصديقه كانت عايزه تحج ..
و لم استطع الوصول لها ..
فجربت رقم صديقتى داليا  ابنه الشهيد اسماعيل امام ..
أحد شهداء حرب أكتوبر العظام ..

و حدث الاتى
الموبايل بيرن
ترد داليا و تقول :
؛ ( مبروك )
سكت للحظه و قلت لها :
* ايه ؟
قالت :
؛ مبروك
قلت لها :
* مبروك على ايه ؟
(سألتها و قد جائنى احساس من كلمتها انها ستكون صاحبه دعوة الحج)
قالت :
؛ مش عارفه بس حسيت انك هاتقوليلى خبر حلو
قلت لها :
* داليا عايزه تحجى ؟
ردت  :
؛ ياريت
فاخبرتتها بموضوع التأشيرة
فبكت و بكت  و قالت : 
؛ انتى بتقولى ايه ؟؟؟؟
ده انا امبارح طول الليل اعيط لربنا و اقوله انا عايزه احج ..  هو انا أطول انى احج !!!
هو ربنا راضى عنى كده !!!!

قلت لها :
* اقفلى و ها اكلمك تانى ..
قالت :
؛ بس الباسبور بتاعى منتهى
قلت لها :
* اقفلى يا داليا .. دى حجه جيالك انتى بالاسم يبقى اكيد ها تتسهل ..

كل هذا اخذ خمس دقائق او اقل
و عاودت الأتصال بالمتحدث السابق
لترتيب التواصل بينهم
المهم ..
تانى يوم الظهر .. كلمتنى داليا
و قالت :
؛ نهله انا جددت الباسبور و اتصورت و سلمت كل المطلوب .. و قالوالى .. استنى فى البيت هانكلمك نقولك موعد السفر ..
و سافرت فعلا بعد اقل من شهر .. و عادت بالسلامه .

حمد لله على سلامتك يا داليا
حج مبرور و ذنب مغفور حبيبة قلبى ❤️

???? شفتم بقى اد ايه سبحانه قريب سميع مجيب  .. انتوا بس ادعوا و اطلبوا


 وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)
[البقرة]