كنت فى زيارة لخالى جراح المخ و الأعصاب و كان ابنائه اطفال .. و ظل هاتف المنزل بجوارى يرن .. ولا أحد يرد .. فتعجبت و قلت : 

" هل أرد أنا " 

فقال خالى : 

" لا .. النهاردة يوم عبد الله " 

فقامت سارة أبنه خالى بالذهاب عند باب الحمام و خبطت و قالت : 

" التليفون بيرن .. أرد أنا ؟ " 

فرد عليها عبد الله : 

" لو رديتى ها اخد مكالمه من يومك " 

فعادت و جلست مكانها .. و عاد الهاتف يرن من جديد ولا أحد يرد ، حتى أتى عبد الله و رد هو .. 

اتضح ان التليفون كلما رن جرسه تحدث خناقه على سماعه التليفون كل واحد عايز هو اللى يرد .. و فى النهايه المتصل يغلق الخط .. 

فقام خالى بعمل جدول .. كل واحد له يوم للرد على المكالمات .. و من يرد فى يوم أخيه .. سيتم أخذ مكالمه منه فى اليوم الخاص به .. 

و انتهت المشاكل و الخناقات بعمل جدول بسيط لتوزيع الأدوار