بيت جدى 

خبط الباب فى بيت جدى و فى هذا اليوم من عام ١٩٩٧ كنت عندهم .. و فتحت الباب .. فوجدت ثلاثه رجال غرباء .. سأل احدهم عن جدى .. و انه يريده .. دخلت لجدى المسن و اخبرته ..
فقال لى دخليهم يا حبوبه ..
(و بهدوء ارتدى قميص و بنطلون لانه من الجيل الذى يعتبر عيب مقابله الضيوف بملابس البيت) ..
و كان الحوار كالآتى
جدى مُرحباً :
أهلاً وسهلاً
أحد الضيوف :
انا اسف جدا حضرتك ممكن ماتفتكرنيش .. انا كنت زمان معاك فى الشغل قبل حضرتك ما تطلع معاش
جدى زاد فى الترحيب ..
الضيف :
انا دخت على ماعرفت أجيب عنوان حضرتك  .. الموضوع  ان الاثنين دول (و أشار للرجلين المصاحبين له)  بينهم مشاكل رهيبه و ماحدش عارف يحلها .. قلتلهم .. انا زمان كان معايا فى الشغل واحد هو ده اللى ممكن يحل اى مشكله .. و جبتهم و جيت لحضرتك يمكن تعرف تعمل معاهم حاجه ..
و مر حوالى ساعتين .. دخل للضيوف الحلو و الحادق و كل اشكال الضيافه و الكرم فى بيت جدى .. و بعد الساعتين خرج المتخاصمين ماسكين ايدى بعض و بيضحكوا و تم فض النزاع الرهيب القائم بينهم
و قال الضيف :
انا قلتلهم هو ده الوحيد فى الدنيا اللى ممكن يصالح الناس على بعض 

رحمك الله ايها  المصلح الطيب الكريم 

لم يدخل بيتك مخلوق الا اكل و شرب و خرج سعيد منشرح الصدر ????