الحب ولي عظيم له كرمات
زي أنه له ألف صورة
و ف كل قلب له حدوته
عمره بطول الزمان
و على كل شيء له سلطان
سر سلطانه حضوره
وحضوره في القلب له علامات
ف العيون تلاقي ملامحه
في الكلمة تلاقي ابتسامته
وفي كل زمان تلاقي حكايته
وفي كل مكان تلاقي شمسه
كل البشر اتخلقت عشانه وبيه
وكل من آمن بيه اصبح ولي
سيدي الحب له كرمات
زي أنه في كل البحور له مرسى
وإن يسكن أي شئ بيدي له معنى
تفتكر انه عذاب وف عذابه نعيم
وتفتكر أنه قاسي وف قسوته رحيم
سيدي الحب له كرمات
أنه لما يتجلى بيخلي القلوب جنة
تتقابل فيها قلوب المحبين
تتحاطر وتتكلم
مهما كان بينهم
الف ميل
سيدي الحب له كرمات
و له ألف صورة
وله ألف مقام
2
-2
