اطمن ..

أطمن بقولها من كل قلبي اطمن مش هيسيبك خالص، هتقولي اللي متلسعش من النار بينفخ في الزبادي ، لا والله انا عارف ومتأكد من ده ان اللي برة النار مش زي اللي جواها وعشان كدة بقولك اطمن انا مش حمل اتحاسب على الكلمة دي ولا اختبارها، وبقولها بجد، يمكن اوقات غصب عننا من الحزن مش بناخد بالنا من قد ايه فيه امل لفك الكرب وده طبيعى فبيجي حد من برة جايز كان جوة وطلع بآمان وحب بعد ما اتلسوع فبيقولك عن تجربة اطمن، جايز عشان شايف ان الحزن والاكتئاب غصب عنك يشوش علي الرؤية وده بالمناسبة مشاعر طبيعية وربنا عارف وبيعذرك جدا ويبتسم ويقول معلش غصب عنه حبيي مش مصدق عشان بس الهم مضيق عليه رؤيته، اطمن هو مش زعلان على زعلك منه في تأخيره، ولا زعلان منك في لحظة يأس بدون قصد، ولا زعلان منك في لحظة انعدام الشغف للدعاء والكلام معاه، ولا زعلان منك عشان ملهي في الهم والكرب ده وغصب عنك في دوشة فبعيد شوية في انك تفضفض له هو اللي عارفك اكتر من اي حد وعارف تكوينك وعارف خريطة نفسك، اطمن ومتقولش طيب انا مصدق ومطمن بس الحل ازاي يعني هتتحل ازاي دي مقفولة خالص ياجدع، خالص حبيبي انت متفكرش في التفاصيل العبيطة دي هو هيحلها انت اللي عليك تقعد زي الباشا ولا يفرق معاك اي تفاصيل اطمن واهدا خالص ولا تشغل بالك، انت بتحبه وهو بيحبك، تبقى في حضرة الحب وتقلق يا جدع متشلش هم تبات نار تصبح زي الفل وورد وسلام والله ما تفرفش بقى