المشاعر

- المشاعر تساوي إنسان، مهما حاولت تبرر، الزمن، الفلوس، الناس اي كان، لا تنفي قيمة الشعور، الإنسان عبارة عن شوية مشاعر، هي الرابط بينك وبين كل شئ لو إنسان فقد شعوره تجاه شئ اعتاد عليه بيحس انه انتهى ، شعور فقدك لحبيب، شعور فقد حلمك اي شعور .

- الشعور بالآخر وكذلك الآخر بيك، فكر كدة في وقت من الأوقات لما بتفقد شئ وبتكون في حزن أو فرح ، بتحتاج حد يحتفل معاك، ولا حد يجي يطبطب وخلاص، لاء، محتاج حد يشعر بيك في حالتك دي، تخيل بقى المشاعر دي كلها لو حسيت إنسان محتاجها في نفس الموقف، ومفتقد ده جدا، هنا لو قدرت بمجرد صدقك في مشاعرك تجاهه، كفيل بإسعاده بدرجة لا تتخيلها، ويا سلام لو حد بينك وبينه ود ومساحة تسمحلك انك تحضنه ، هيكون أعظم، لأن الحضن هو جسر الشعور للقلوب، طاقة مفيش أجمل منها، طيب جرب تقول حضن بحب كدة ، شوف كم البهجة والسعادة اللي وصلتك .

الحضن بوابة المشاعر الحضن درجات ممكن طبطبة على الكف بصدق تساوي حضن، نظرة عين بحب وصدق تساوي حضن ، كلمة واحدة بصدق تساوي حضن ، احضنه، احبابكم، الأب الأم، زوجاتكم، بناتكم، اخواتكم، االحضن كل الكلام.

اوعى تفتكر أن إظهار مشاعرك ضعف، دي علامة يا مارد انك إنسان طبيعي جدا، افرح جدا، واحزن وابكي، عيش الشعور اللي جواك واظهره ولا تخجل منه ابدا .. لأنك لو معملتش كدة هيتخنق جواك ومش بعيد تصيبك بلادة .. عيش مشاعرك وأشعر بذاتك والآخر، إنسان، بحر، شجر اي شئ .. ♥️