الحياة

جربت الآعب الحياة طاولة..

قلتلها .. واحد وتلاتين 

قالت لاء .. 

نلعب محبوسة 

اختارت هي الأبيض 

وسابتلي الأسود ..! 

اه يا بنت المهروشة .

اللعب أحلو..

حبستها مرة 

حبستني عشرة 

وقال ايه مش واثقة 

اللعبة مش مظبوطة 

طب وايه الحل يا مقروصة ؟ 

شفت اديك اعترفت ...

انت بتقرص وتقولي 

يا محظوظة !

عندي حل كفاية

ترميلي الزهر بكوباية 

قلتلها وانتي ..!

انت مش واثق فيا معقولة 

عارفها بتحب المظاهر 

جبتلها فنجان صيني فاخر 

جابتلي علبة صفيح منقوشة 

خلصت اللعبة ..

ودخلت زفة بزغروطة 

عريسنا زين و عروستنا محروسة 

و الدخلة على مين الليلة ؟

اكيد عليه و العروسة معروفة.