وقالوا البعيد عن العين، بعيد عن القلب 

طب ده اسمه كلام ولا اسمه حب !

الحب نور .. بيسافر لقلب المحبوب 

لا يستنى لقا ولا وعود .. 

الحب عمره ما كان محدود 

لا زمن فيه ولا مكان ولا حيز وجود 

ياما احبة سابونا هنا 

ولينا معاهم كلام وعهود 

الحب اللي في ارضنا صورة

ولكل صورة شكل ولون .

ارمي ورا ضهرك كل ده 

الحب سر الروح المصون 

ده حتى لا بأيدك تحب ده ولا ده ..

فإزاي هتبطله بالبعد والمسافات

ده ملكش حكم على قلبك فيه..

هتبطله ازاي بالخرافات 

في شرع الحب المسافة خرافة، 

المكان خرافة، الصورة خرافة كلها خرافات

الحب حر، يحب الحرية عابر للزمان والأمكنة

الحب سلطان، الحب حاكم

و يابخت من قال: حَكم الهوى وانا للهوى مسلم❤️