كان فى مرة واحد

الدنيا ملطشة معاه

منين مايروح النحس وراه

واحد بيضحك ويضحك 

الناس على بلاه 

وينام ودموعه مغرقاه 

محسود من كل اللى حواليه 

ومفيش فى جيبه حق عشاه 

كان فى مرة واحد 

تشوفه تقول حاجة كبيرة من براه 

لكن لو تفتش جواه 

هتلاقيه أطيب خلق الله 

كان فى مرة واحد 

حب ولا طلش مقضيها قلش 

شاف فى حياته اللى ميتشفش 

كان فى مرة واحد 

الضحكة بتطلع منه إزاي متعرفش 

كان فى مرة واحد 

لو سمعت حكايته لو 

سمعت حكايته هتفضل 

طول عمرك سهران متنامش 

كان فى مرة واحد 

أحلامه مدوخاه 

لسه عايش ومكمل 

رغم إنه مات قبل 

كده يجي ألف مرة

تعود ياكلها حاف 

خد على طعمها مرة 

بسيط جدا بيضحك 

على حاجات صغيرة وتافهة 

بيحلم بدنيا عمره ماشافها 

ضحكته مرسومة على

وشه من هنا لهنا 

بس قلبه موجوع من جواه

كان فى مرة واحد 

واقف وسط الخلق 

ناصب طوله وبياخد 

بإيده عزاه 

كان فى مرة واحد 

أطيب خلق الله