انهاردة هنعمل حاجة مختلفة ،تمرين صغير هيساعدنا على معرفة مشاعرنا وأفكارنا و السلوك اللى بيصدر عنها كرد فعل طبيعى تجاه الفعل و وازاي نفهم اللى جاية تقوله ..
التمرين 👇
هتعمل ايه لو بتقلب ع السوشيال ميديا بالصدفة ولقيت صورة لاصحابك في خروجة حلوة سوا من غيرك؟
ايه الأفكار اللى جت في دماغك كلها مرة واحدة اول ما شوفت الصورة ؟
ايه المشاعر اللى حسيت بيها ؟ استعين بدائرة المشاعر
حسيت ايه في جسمك أول ما شوفت الصورة ؟
الإجابات هتكون سهلة على ناس وناس تانية هتكون صعبة جدا ،كل حد فينا واستقباله للموقف ..
و المرة الجاية هنعمل سوا آلية مراقبة المشاعر ونعرف سوا نحررها ازاي
هنحل التمرين سوا (التمرين في البوست اللى قبل ده )
ونعرف ازاى نفعل آلية مراقبة المشاعر وتحريرها ولازم ورقة وقلم و نية بالحل والنمو ،غير كدة هفضل واقف زى ما أنا .
الخطوة الأولى
نشوف الأفكار اللى كتبناها وهتكون مثلا :
(دايما بيتجاهلوني ،اصلهم عملوها كذا مرة من غير ما اعرف ،الناس كلها مش مهتمة بيا ، العلاقات كلها مش بيتعملى فيها اعتبار ،……..) وغيرها كتير
الخطوة التانية
نشوف المشاعر اللى كتبناها و هتكون مثلا :
(الغضب ،الإستياء ،الحزن ،مفاجأة ،……….)
طبعا بفضل مع كل شعور شوية عشان اتأكد ان ده بالفعل اللى حاسس بيه او قريب منه
الخطوة التالتة
هراقب بصمت مع نفس منتظم الشعور اللى واخد مساحة أكبر جوايا وهقف معاه شوية واسمحله يكون موجود بوضوح مع الحرص انى ما افضلش اغذية بالأفكار
لو لقيت الحزن مثلا هو اللى مسيطر عليا وحاسه في صدرى وقلبي ،هراقبه و أكمل تنفس لغاية ما احساس جسمى يتغير و أحس بإرتياح
دى آلية بسيطة نقدر نراقب بيها مشاعرنا بدون مانغرق فيها ..
2
-2
