سؤال اتسأل عن اتعلمت ايه من ٢٠٢٣
دى الإجابة في اللحظة الحالية
👇
اتعلمت التسليم بمفهوم اوسع حبة من أى سنة
اتعلمت المح نفسي وانا عاملة فيها دور المنقذ واقفشنى واحضن الخوف اللى بيعمل ده
اتعلمت أكون هنا بكلي لنفسي ولأى حد يحتاجنى بحدودى وما يناسبنى
اتعلمت ارد على اللى يضايقنى من منطقة ثبات وأمان مش منطقة خوف وعدم استحقاق
اتعلمت اكتب عن اغمق لون جوايا وافضل معاه لغاية ما يتدرج للأفتح
اتعلمت عن نفسي قدرات مختلفة كانت موجودة بس مش مدياها فرصتها ولا مفعلاها ولا واثقة فيها
اتعلمت ان المرض مش وصمة ولا جسمى عار
اتعلمت اطلب المساعدة بدون ما أحمل هم هردها ازاى
اتعلمت أقل خيرا أو أصمت
اتعلمت الذكر اللى بيقول اللهم احفظ لساني عن العالمين
اتعلمت أقول وانا نازلة من بيتى اللهم اكفي الجميع شرى بما شئت وكيف شئت فأنت عليّ قادر
اتعلمت التغافل مع نفسي وانى ما اقفش لها على الواحدة بالكرباج
اتعلمت اتعلم برفق وهداوة
اتعلمت أحب أكتر وأحضن أكتر وأكتر
اتعلمت اعطي وادعي ربنا يرزقنى بخدمة تقربنى اليه
اتعلمت عن الحياة
اتعلمت عن الصمت
اتعلمت عن المعرفة
اتعلمت عن حاجات كتير محتاجة اختبرها واطلعها ببصمتى الخاصة
اتعلمت انى افضل اتعلم واقرا وارسم والون واكتب واطبخ واجرى واتنطط واعمل اللى روحي محتاجاه
اتعلمت اننا واحد واللى بيصب في مصلحة الكون هيبقالى منه نصيب كبير ،لكن اللى بيصب في مصلحتى لوحدى مالوش معنى غير الأنانية
اتعلمت ولسه هتعلم.
2
-2
