مي رضا
ليسانس آداب /جامعة المنصورة
ادوار بقوم بيها
(زوجة ،ام،امرأة عاملة)
هوايات بحبها
(القراءة ،الكتابة،الرسم،الاشغال اليدوية،الطبخ)

اهدافي الصغيرة
طباعة كتاب عن التنمية الذاتية اضم فيه كتاباتى المتنوعة الكتير عنها
اهدافي الكبيرة
ترك بصمة في الحياة واثر طيب يمكث في الأرض وينفع الناس

بحب التعلم و بتعلم كتير عن نفسي وبستثمر طول الوقت فيها لانها رأس مالى اللى عمرى ما اخسره مهما الحياة اتبدلت

كتاباتى كلها من وحي خيالي ،من وعيي وادراكي الحالى ،من الحياة ومصاحبتى لمشاعرى والتعرف عليها ،من رحم المعاناة الداخلية اللى بتمر جوا كل حد فينا ..

اول مرة كتبت فيها كانت وانا في اعدادى قصة كان اسمها (بنوتة بلا قيود) واخدت المركز الاول ع الادارة وقتها

تركت الكتابة كتيير ورجعتلها تانى
كتاباتى كلها على صفحتى على الفيس بوك
تحت هاشتاج (اسمه كراكيب من الأعماق حان السماح لها بالسريان )
وهاشتاج تانى اسمه (تمارين كتابة يومية )

قصة (كذبات حلوة )
اول عمل ورقى واحلى فرصة قدمتهالى دار الحبر الاسود .
الخطوة اللى شجعتنى وادتنى ثقة وثبات وان حروفى توصل وان شاء الله تسيب اثر طيب عند اللى يقرأها

القيمة اللى بتعلمها وبعود نفسي عليها طول الوقت هى (الصبر)
مبدأى الاول والأساسي هو (الصدق)