الزمن ابن الحدث، أينما وُجد الحدث وُجد الزمن

"الزمن ابن الحدث، أينما وُجد الحدث وُجد الزمن"

ااجملة دى صحيت من نومي لقين نفسي برددها زى ماهى كده.

حاليا مش عارفة ايه دلالتها ولا ليه جت واضحة في منامي بمفرداتها العميقة دى ..

بس هى صحيحة جدا،كل لحظة بنعيشها بتكون أثر لحدث ما، الزمن مش بيمشي لوحده، هو يُساق ورا الأحداث، بدليل تذكرنا لتواريخ الفرح والبكا، البقاء والرحيل، بيتغير جوانا شيء لما نحب أو نفارق. 

الزمن شيء مُصمت مالوش وجود إلا بوجودنا احنا وأحداث حياتنا.. 

يا رب ارزقنا أحداث مطمئنة نوثق بيها الزمن ونرجع بيها للأيام ونمتن ونحمدك